Jeremi 46:27 - Sră Goh 2018

²⁷ Ai mê, ơ dĭ gơna Añ la Jakôp, bañ rngòt!; Ơ Israel, bañ rngòt rngơt! Bơh Añ rơp dong tă mê bơh lơgar ngài, rơp lơh jơi bơtiàn mê lik bơh lơgar bol khai kong kup gơs dĭ. Jakôp rơp rê wơl, geh lơngap lơngai, ò gơs cau lơi lơh khai in rngòt rngơt tài.”

Jeremi 46:27 Mawu Ofanana

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Esai 44:1

“Mơya tŭ do iat tĕ, ơ Jakôp, cau duh broă Añ jê, Ơ Israel, làng bol Añ neh sac rwah.

Esai 44:2

Do la jơnau đơs Yàng Jehôwa dê, la Bơtau neh lơh gơs mê, neh mòn gơs mê tòm kơndul mè, mơ la Bơtau rơp dong kòl mê: Bañ rngòt, ơ Jakôp, cau duh broă Añ jê, mơ Jerusalem la cau Añ neh sac rwah;

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 33:16

Tòm ală ngai hơ̆, Juda rơp geh dong klàs; Jerusalem rơp ơm lơngap lơngai; gơ geh sơnđan lah: “Yàng Jehôwa, bơta song ring bol he dê.”’

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Jeremi 51:46

Bol mê bañ gơplơ̆ nùs, bañ rngòt rngơt Bơh ală jơnau pơnro tòm lơgar. Bơh dô nam dô jơnau pơnro tus, Nam tơnơ̆ kung gơs jơnau pơnro ndai; Pơnro bơta rhung rhang tòm lơgar, Cau at bồ tòmdră mơ cau at bồ.

Ejekiel 16:53

Bulah behơ̆, Añ rơp bơtào wơl sre brê Sôdôm mơ ală kòn ùr khai in, Samari mơ ală kòn ùr khai in, mơ sre brê ai dê bal mơ bol khai,

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.