Jeremi 46:25 - Sră Goh 2018

²⁵ Yàng Jehôwa Gơnap Gơnoar Dờng, Yàng Tom Trồ Israel dê, đơs lah: “Do, Añ rơp lơh glài Ammôn, la yàng Nô dê, bal mơ Pharaôn, mơ Ejiptơ, bal mơ ală yàng mơ ală bơtau gơ dê: hơ̆ la Pharaôn bal mơ ală cau gơn kơnòm di khai.

Jeremi 46:25 Mawu Ofanana

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Jeremi 44:30

Yàng Jehôwa đơs be do: ‘Do, Añ rơp phi Pharaôn Hôpra bơtau Ejiptơ, tòm tê cau sò tơm khai mơ cau jòi bơta kis khai, kung be Añ neh phi Jedekia bơtau Juda, tòm tê Nebukatnessar bơtau Babilôn, la cau sò tơm mơ jòi bơta kis khai.’”

Jeremi 49:3

“Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Ejekiel 30:22

Gen tàng, Jehôwa Yàng Tom Trồ đơs be do: ‘Añ tòmdră mơ Pharaôn, bơtau Ejiptơ dê, mơ rơp dơrpă bàr nơm tơwòr tê khai dê, tơwòr tê pràn bal mơ tơwòr tê neh pă, mơ Añ rơp lơh đào dùh bơh di tê khai.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.