Jeremi 46:21 - Sră Goh 2018

²¹ Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Jeremi 46:21 Mawu Ofanana

II Samuel 10:6

Tòm tŭ cau Ammôn gŏ bol khai neh gơlik gơs bơta cù kìr gơwèt mơ Dabit, gen cau Ammôn sồr cau lòt ơpah cau Aram tòm Bet Rehôp mơ Jôba bàr jơt rbô ling lòt jơng, kung bơh bơtau Maaka dô rbô nă, bơh lơgar Top jơt bàr rbô nă.

II Ală Bơtau 7:6

Bơh Yàng Jehôwa neh lơh cau Aram in kơno ntas rơndeh, ơseh mơ ntas mpồl ling gal ngan; tian gơs cau Aram đơs bal mơ gơp lah: “Bơtau Israel neh ơpah bơtau cau Hetit mơ bơtau Ejiptơ nàng tòmlơh mơ bol he.”

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Jơnau Pơnđik 15:17

Chan sa mìng biap mơ gơs bơta kòñ gơboh, Niam rlau mơ sa poac kơnrồ lơmă mơ gơs bơta gơjrañ mañ.

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 34:7

Ală kơnrồ brê, kơnrồ gam dềt, mơ kơnrồ dam pràn kơldang gen gơpừ jơh bal mơ bol khai. Ù tiah bol khai dê rơp gơkram tòm mhàm, mơ ù bol khai dê rơp bềng lìu bơh dơngi.

Jeremi 18:17

Be càl bơh đah mattơngai lik khồm tus; Añ rơp lơh bol khai in nrah nring di đap cau sò tơm, Añ wèt ngkòi mơ bol khai, ò wèt mat Añ jê; Tòm ngai bơta rung rài bol khai dê.”

Jeremi 46:22

Khai lơh ntas kung be bơs nsròng; bơh cau sò tơm khai dê lòt tus pràn ngan, at sùng yoas tus tòmdră mơ khai, kung be ală cau chài kơl chi.”

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 46:9

Ơseh, brồ tus hơđap; rơndeh tòmlơh ntoat tĕ mhar; Ală cau ling, ntoat tĕ tòmlơh; Cau Kus mơ cau Phus gen àñ khèl, Ai cau Lidi at àtak mơ wàr gơ.

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Jeremi 49:8

Ơ làng bol Dedan, Wèt ngkòi tĕ, dô tĕ, pồn să tòm ală tiah jrô; Bơh Añ rơp lơh bơta rung rài Esau dê tus hơđang gơ, La tŭ Añ rơp lơh glài khai.

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Ejekiel 30:22

Gen tàng, Jehôwa Yàng Tom Trồ đơs be do: ‘Añ tòmdră mơ Pharaôn, bơtau Ejiptơ dê, mơ rơp dơrpă bàr nơm tơwòr tê khai dê, tơwòr tê pràn bal mơ tơwòr tê neh pă, mơ Añ rơp lơh đào dùh bơh di tê khai.

Ejekiel 35:5

Tài bơh mê gam prap dô bơta gơjrañ bơh yau mơ neh jào phi cau Israel tòm gơnoar pềs tà tòm ngai rung rài bol khai dê, tŭ tơngai bơta lơh glài lồi dut bol khai dê,’

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Amôs 6:4

Bol mê la ală cau bic hơđang ală cơnòng lơh mơ bla rwas, mơ bic rlô hơđang ală cơnòng jòng bol mê dê; Bol mê sa poac ală belàt kòn sac rwah bơh di mpồl mơ ală kơnrồ bơh wàng.

Apdia 1:13

Mê ò di mut di mpồng ƀòn làng bol Añ jê tòm ngai rung rài bol khai dê, mê kung ò di lơh dô bă bal hòn chò di Juda tòm bơta rung rài khai dê, mê kung ò di phà tòmpìt phan mơna khai dê tòm ngai rung rài bol khai dê.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Mathiơ 22:4

Bơtau sồr tai ală cau dĭ ndai mơ nting lah: ‘Đơs tĕ mơ cau neh geh jà lah: Do añ neh rcang sir phan sa rau, kơnrồ mơ phan poan jơng lơmă neh lơh poac rau. Jơh ală bơta neh sir rau. Tus tĕ sa tòmbau.’

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.