Jeremi 46:18 - Sră Goh 2018

¹⁸ Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 46:18 Mawu Ofanana

Đơs Crih 89:12

Đah đang mơ đah đơm kung bơh Yàng crơng gơs; Mơnơm Thabôr mơ mơnơm Hermôn jòng ro sơnđan Yàng dô bă hòn chò.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 48:15

Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 51:17

Kòp nă cau tùl gơla mơ ò gơs bơta git wă; Ală cau chài lơh màh cèng ƀàssìl ƀàsso bơh rùp ràk bol khai dê; Bơh rùp tŏ khai dê la ma blac, Ò gơs nhơm tă tòm dơlam gơ.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Mathiơ 5:35

bañ sơnio tiah, bơh gơ la kơrnòl jơng Yàng Tom Trồ dê; bañ sơnio Jerusalem, bơh gơ la ƀòn dờng Bơtau dờng dê.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Jôsue 12:22

bơtau Kedes, bơtau Jôkneam tòm Karmel,

Jôsue 19:22

Nhàr gơ tus di Thabôr, Sahasumah mơ Bet Semet, mơ nhàr gơ lồi di hiòng Jordan. Gơs jơt prau nơm ƀòn dờng bal mơ ală ƀòn dềt bol gơ dê.

Ală Kwang Cahrña 4:12

Tòm tŭ cau yal Sisera in git lah Barak kòn klau Abinôam neh guh hơđang mơnơm Thabôr,

Ală Kwang Cahrña 4:6

Debôra sồr jà Barak kòn klau Abinôam bơh Kades tòm Neptali, mơ đơs mơ khai lah: “Yàng Jehôwa la Yàng Tom Trồ Israel dê ai jơnau sồr mê lah: ‘Lòt tĕ, cèng bal mơ mê jơt rbô nă cau klau bơh jơi bơtiàn Neptali mơ bơh jơi bơtiàn Jebulun, mơ lam bol khai tus di mơnơm Thabôr.