Jeremi 46:14 - Sră Goh 2018

¹⁴ “Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 46:14 Mawu Ofanana

II Samuel 2:26

Gen Apner hòi dờng mơ Jôap lah: “Mê lòi đào tơnroh ò lồi ơ? Mê ò đal git lah bơta do rơp lồi tòm bơta sràt bơtang ò ơ? Jơl tus di tŭ lơi sồng mê ai gơnoar sồr cau mê dê ơm, mơ ò ting jat oh mi he dê taih?”

Lik Ejiptơ 14:2

“Sồr tĕ cau Israel rê wơl bơtào sàl rềp Phi Hahirôt, digùl pah Mitdôn mơ dàlềng. Bol mê bơtào sàl di gah dàlềng, tòm toh di đap Baal Sephôn.

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 19:13

Ală cau kwang at bồ tòm Jôan neh gơlik gơs cau bơrngơl gơla; ală kwang at bồ tòm Memphis kong cau pơrlồm; ală cau lơh gơs pơnai lŭ mum hìu ală jơi bơtiàn gơ dê neh lam Ejiptơ lòt tìs nrah.

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 2:16

Rlau mơ hơ̆, làng bol Memphis mơ Tahpanhes dê neh lơh bơcah sơgơn bơtau di bồ mê.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 44:1

Gơs jơnau yal Jeremi in bơh jơh ală cau Juda ơm tòm lơgar Ejiptơ, tòm Mikdôl, Tahpanhes, Nôp, mơ tòm kơnhwàl Patros lah:

Jeremi 46:10

Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Jeremi 46:19

Ơ ală ơruh dềt ơm tòm Ejiptơ, rcang ală kơldung bol ai dê nàng lòt gơs dĭ, bơh Nôp rơp gơlik gơs tiah lòi srau; rơp kong chu, ò gơs làng bol ơm tai.

Jeremi 46:2

Bơh Ejiptơ, bơh mpồl ling bơtau Ejiptơ dê, Pharaôn Nekô, tŭ hơ̆ bơtào sàl ling rềp hiòng Ơphrat, tòm Karkemis; hơ̆ la mpồl ling gơkòl Nebukatnessar bơtau Babilôn lơh alah, tòm nam dơ̆ poan rài Jehôyakim kòn klau Jôsia bơtau Juda dê.

Ejekiel 21:28

Ai mê, ơ kòn mơnus, đơs hwơr tĕ mơ lah: ‘Bơh kòn sau Ammôn mơ jơnau tràl sơrbil bol khai dê, gen Jehôwa Yàng Tom Trồ đơs be do: Dô nơm đào, dô nơm đào, neh tă tơlik nàng sreh tơnchơt; neh tồl nàng sa loan, mơ gơcrà be puhlèp!

Ejekiel 30:13

Jehôwa Yàng Tom Trồ đơs lah: ‘Añ rơp tơnroh ală rùp ràk mơ pơndut jơh ală rùp duh khoai tòm Memphis. Rơp ò gam gơs dô nă bơtau tai tòm Ejiptơ, behơ̆ Añ rơp ơn bơta rngòt rngơt tơm lơgar Ejiptơ.

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Nahum 2:13

Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”

Yal Wơl 32:42

Añ rơp lơh ală kam àtak Añ jê bơñul bơh mhàm, tòm tŭ đào Añ jê sa loan poac: mhàm ală cau kong koh tơnchơt mơ ală cau kong kup cèng, mơ bồ ală cau kwang cau sò tơm dê.”