Jeremi 45:4 - Sră Goh 2018

⁴ Mê đơs tĕ mơ khai lah: “Yàng Jehôwa đơs be do: ‘Ne, Añ rơp phà tơrlah jơh ală phan Añ neh bơtào, Añ dus sang jơh ală phan Añ neh tam, bơta hơ̆ gơlik gơs tòm làm jơh lơgar.

Jeremi 45:4 Mawu Ofanana

Cau Bơto 3:3

Gơs tŭ tơnchơt, mơ gơs tŭ sơmbòi; gơs tŭ phà tơrlah, mơ gơs tŭ bơt bơtào;

Jeremi 1:10

Sền tĕ, ngai do Añ neh bơtào mê hơđang ală làng bol, ală lơgar, Nàng mê dus mơ phà, tơnroh mơ lơh tơrlah, bơt bơtào mơ tam.”

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 12:2

Kơnràñ neh tam bol khai; Bol khai neh sro ryas, hòn dờng mơ gơlik plai. Bơr bol khai ơm rềp mơ Kơnràñ, Mơya nùs bol khai ơm ngài mơ Kơnràñ.

Jeremi 31:28

Kung be Añ neh sền gàr bol khai, nàng dus, phà tơrlah, tuh tơlup, tơnroh, mơ lơh bòl glar mbe lơi, gen Añ kung rơp sền gàr nàng bơt bơtào, tam wơl kung behơ̆,” Yàng Jehôwa đơs behơ̆.

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.