Jeremi 45:1 - Sră Goh 2018

¹ Do la jơnau cau gơnoar hwơr Jeremi dê đơs mơ Baruk, kòn klau Neriya, tŭ khai cih ală jơnau do tòm dô dap sră bơh bơr Jeremi đơs tơlik, tòm nam dơ̆ poan rài Jehôyakim kòn klau Jôsia bơtau Juda:

Jeremi 45:1 Mawu Ofanana

II Ală Bơtau 24:1

Tòm rài Jehôyakim at bồ, gen Nebukatnessar, bơtau Babilôn, guh tòmpìt lơgar Juda. Gen Jehôyakim gơlik gơs cau duh broă khai tòm pe sơnam, mơya bơtau Jehôyakim pơrlơ̆ nùs mơ tòmdră wơl mơ Nebukatnessar.

II Yal Yau 36:5

Jehôyakim neh bàr jơt pram nam tòm tŭ khai sơntòm at bồ; mơ khai at bồ jơt dùl nam tòm Jerusalem. Khai lơh bơta iơh bơsak di đap mat Jehôwa Yàng Tom Trồ khai dê.

Jeremi 25:1

Gơs jơnau tus mơ Jeremi bơh jơh làng bol Juda, tòm nam dơ̆ poan rài Jehôyakim, kòn klau Jôsia, bơtau Juda dê; hơ̆ la nam dơ̆ sơnròp rài Nebukatnessar, bơtau Babilôn,

Jeremi 26:1

Tŭ Jehôyakim, kòn klau Jôsia, bơtau lơgar Juda, rơp sơntòm at bồ, gơs jơnau do bơh Yàng Jehôwa.

Jeremi 32:12

Añ tong sră cơng tàng blơi sre hơ̆ Baruk in, kòn klau Neriya, sau Maaseya, di đap Hanamel, kòn klau wa añ, di đap ală cau lơh cơng neh cih sơnđan mat tòm sră cơng tàng tac sre, mơ di đap jơh ală cau Juda ơm nggui tòm rơng hìu cau ling kơp gàr.

Jeremi 32:16

Tơnơ̆ mơ tŭ añ neh dòp sră cơng tàng blơi sre Baruk in la kòn klau Neriya, gen añ hòi dan mơ Yàng Jehôwa lah:

Jeremi 36:1

Nam dơ̆ poan rài Jehôyakim, kòn klau Jôsia, bơtau Juda, gơs jơnau Yàng Jehôwa dê đơs mơ Jeremi lah:

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 36:26

Bơtau ai gơnoar sồr Jerakmel, kòn klau Hamelek, mơ Seraya, kòn klau Asriel, mơ Selemia, kòn klau Apdiel, lòt kup cau gơnoar cih Baruk mơ cau gơnoar hwơr Jeremi; mơya Yàng Jehôwa pồn bàr nă dĭ gơna Kơnràñ dê.

Jeremi 36:32

Gen Jeremi ai dô dap sră ndai tong cau gơnoar cih Baruk, kòn klau Neriya in; Baruk bơh bơr Jeremi mơ cih wơl kòp jơnau tòm dap sră lài mơ Jehôyakim bơtau Juda, neh chu tòm ồs. Gơs oă jơnau tòm toh bal neh bơtơl tòm hơ̆.

Jeremi 36:4

Gen Jeremi hòi Baruk, kòn klau Neriya tus, Baruk kơnòm di bơr Jeremi yal wơl, gen cih jơh ală jơnau đơs Yàng Jehôwa dê yal khai in tòm dap sră.

Jeremi 45:2

“Ơ Baruk! Jehôwa, Yàng Tom Trồ Israel dê, đơs mơ mê be do:

Jeremi 46:2

Bơh Ejiptơ, bơh mpồl ling bơtau Ejiptơ dê, Pharaôn Nekô, tŭ hơ̆ bơtào sàl ling rềp hiòng Ơphrat, tòm Karkemis; hơ̆ la mpồl ling gơkòl Nebukatnessar bơtau Babilôn lơh alah, tòm nam dơ̆ poan rài Jehôyakim kòn klau Jôsia bơtau Juda dê.

Jeremi 51:59

Do la jơnau cau gơnoar hwơr Jeremi nting sồr Seraya, kòn klau Neriya, sau klau Mahaseyah, tòm tŭ khai lòt bal mơ Jedekia bơtau Juda tus hơ lơgar Babilôn tòm nam dơ̆ poan rài bơtau hơ̆. Tŭ hơ̆ Seraya la kwang at bồ tòm gơlang bơtau.

Daniel 1:1

Tòm nam dơ̆ pe rài Jehôyakim bơtau Juda dê, Nebukatnessar, bơtau Babilôn lòt tus gơrwàng Jerusalem.