Jeremi 44:27 - Sră Goh 2018

²⁷ Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 44:27 Mawu Ofanana

II Ală Bơtau 21:14

Añ rơp tơnroh pơnah gam wơl bơh sre brê Añ jê, jào phi bol khai tòm tê cau sò tơm bol khai dê; bol khai rơp gơlik gơs phan pơndòm mơ phan kup geh ală cau sò tơm bol khai dê;

Jeremi 1:10

Sền tĕ, ngai do Añ neh bơtào mê hơđang ală làng bol, ală lơgar, Nàng mê dus mơ phà, tơnroh mơ lơh tơrlah, bơt bơtào mơ tam.”

Jeremi 21:10

Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 31:28

Kung be Añ neh sền gàr bol khai, nàng dus, phà tơrlah, tuh tơlup, tơnroh, mơ lơh bòl glar mbe lơi, gen Añ kung rơp sền gàr nàng bơt bơtào, tam wơl kung behơ̆,” Yàng Jehôwa đơs behơ̆.

Jeremi 39:16

“Lòt tĕ yal Ebetmelet, cau Ethiôpi, lah: ‘Yàng Jehôwa Gơnap Gơnoar, Yàng Tom Trồ Israel dê, đơs be do: Tus di ngai hơ̆ Añ rơp lơh gơlik gơs di đap mê ală jơnau mơ Añ neh đơs tòmdră mơ ƀòn do, lòi gơ in àñ bơta rung rài mơ ò geh lơngai ò.’

Jeremi 42:16

gen pềs tà mơ bol mê rngòt rngơt rơp ting bàn bol mê tòm lơgar Ejiptơ; bơta jơgloh rung mơ bol mê cù kìr kung rơp ting jat bol mê tòm lơgar Ejiptơ, mơ bol mê rơp chơt tềng hơ̆.

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:13

Añ rơp lơh glài ală cau ơm tòm lơgar Ejiptơ, kung be neh lơh glài Jerusalem mơ pềs tà, jơgloh rung, mơ pluh plàng,

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Jeremi 44:18

Mơya, bơh tŭ bol hi ơm ò chu kơlhô mơ ơn phan ơn ưnngài yàng ùr hơđang trồ, gen bol hi siơ̆u siar ală bơta, mơ kong tơnroh bơh pềs tà jơgloh rung.

Jeremi 9:15

Behơ̆ gen tàng, Yàng Jehôwa Gơnap Gơnoar, Yàng Tom Trồ Israel dê, đơs be do: “Añ rơp ai làng bol do sa chi bơtang, mơ hùc dà gơs bih khih.

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 7:6

Dô bơta lồi dut neh tus, bơta lồi dut neh tus! Gơ neh guh tòmdră mơ mê. Gơ neh tus ne!

Daniel 9:14

Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Amôs 9:8

Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.