Jeremi 44:23 - Sră Goh 2018

²³ Hơ̆ la tài bơh bol mê neh chu kơlhô mơ neh tìs glài tòmdră mơ Yàng Jehôwa, bơh bol mê ò dòn jat jơnau Yàng Jehôwa, mơ ò cơnđòa jat bơta boh lam, gơnoar sồr, mơ bơta bơto sồr Kơnràñ dê, gen tàng bơta rung rài do neh dùh bol mê in, kung be neh gơs jơl tus ngai do.”

Jeremi 44:23 Mawu Ofanana

I Ală Bơtau 9:9

Gen bol khai rơp đơs lah: ‘Tài bơh bol khai neh sang lòi Jehôwa Yàng Tom Trồ bol khai dê, la bơtau neh cèng ồng pàng bol khai dê lik klàs bơh lơgar Ejiptơ; bol khai neh koar ală yàng ndai, duh khoai ală yàng hơ̆, mơ duh broă bol gơ; gen tàng, Yàng Jehôwa neh cèng bơta rung rài do hơđang bol khai.’”

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 13:18

Ală mò pàng bol mê ò di neh lơh behơ̆ ơ? Gen tàng Yàng Tom Trồ neh ai bơta rung rài tus hơ bol he mơ hơđang ƀòn do ò ơ? Tŭ do ală bol mê lơh ƀơ̆ ƀơl ngai Saƀat in mơ bơtơl bơta gơjrañ dờng tòmdră mơ Israel.”

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 119:150

Ală cau bơyai bơta lơh iơh ting jat rềp nàng kup kơryan añ; Bol khai ơm ngài mơ bơta boh lam Yàng dê.

Đơs Crih 119:155

Bơta dong klàs ơm ngài ngan di cau iơh bơsak, bơh bol khai ò jòi jat ală jơnau sồr Yàng dê.

Đơs Crih 78:10

Bol khai ò prap gàr bơta ho bal Yàng Tom Trồ dê, Kung ò bài lơh jat bơta boh lam Kơnràñ dê.

Đơs Crih 78:56

Bulah behơ̆, bol khai lòng Yàng Tom Trồ Hơđang Rlau Jơh, mơ sòdră mơ Kơnràñ. Ò prap gàr ală jơnau sồr kràñ cê Kơnràñ dê.

Jeremi 26:4

Mê pal đơs bol khai in lah: Yàng Jehôwa đơs be do: ‘Dilah bol mê ò bài iat Añ, ò lòt jat bơta boh lam Añ neh ơn di đap bol mê;

Jeremi 40:3

mơ Yàng Jehôwa neh lơh tòm toh kung be Kơnràñ neh đơs, bơh bol mê tìs glài tòmdră mơ Yàng Jehôwa mơ ò lơh jat jơnau đơs Kơnràñ dê; gen tàng bơta do gơlik tus bol mê in.

Jeremi 44:10

Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’

Jeremi 44:18

Mơya, bơh tŭ bol hi ơm ò chu kơlhô mơ ơn phan ơn ưnngài yàng ùr hơđang trồ, gen bol hi siơ̆u siar ală bơta, mơ kong tơnroh bơh pềs tà jơgloh rung.

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 44:21

“Bol mê bal mơ ồng pàng, ală cau bơtau, ală kwang at bồ bol mê, mơ làng bol tòm lơgar neh chu kơlhô tòm ală ƀòn Juda mơ tòm ală gùng ƀòn dờng Jerusalem, Yàng Jehôwa ngan ò cih kah tòm dơngoh Kơnràñ ò ơ?

Jeremi 44:3

tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

I Kôrintô 10:20

Pơrlơ̆ wơl, ală phan cau làng bol bơdìh ơn duh khoai la ơn duh khoai ală cà, ò di la ơn duh khoai Yàng Tom Trồ. Behơ̆ añ ò kòñ ală oh mi tòmklac bal mơ ală cà.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”