Jeremi 44:22 - Sră Goh 2018

²² Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 44:22 Mawu Ofanana

Sơnròp Gơlik Gơs 19:13

Bol hi rơp tơnroh tiah do, jơnau hòi driau bơh cau ƀòn do dờng ngan di đap Yàng Jehôwa, gen Kơnràñ sồr bol hi mù tơnroh gơ.”

Sơnròp Gơlik Gơs 6:3

Yàng Jehôwa đơs lah: “Hwềng Añ rơp ò ơm sùm tòm kòn mơnus, bơh kòn mơnus la poac să lơm, rài kòn mơnus rơp la dô rhiang bàr jơt nam dang.”

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

Esai 1:24

Behơ̆ tàng Yàng Jehôwa la Yàng Jehôwa Gơnap Gơnoar Dờng Làm Jơh, la Bơtau Gơnap Gơnoar Dờng Làm Jơh Israel dê, đơs be do: “Ngan Añ rơp tuh bơta gơjrañ dờng Añ jê hơđang ală cau sò tơm Añ jê, mơ sal tê di ală cau sò tơm di Añ!

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 23:2

Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 48:9

Ai tĕ boh Môap in, Ngan khai rơp gơpừ; Ală ƀòn gơ rơp gơlik ngềt ngơt, Ò gơs cau ơm.

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Ejekiel 39:23

Mơ ală làng bol rơp git la hìu Israel neh kong kup cèng pơrdô la tài bơh tồi glài bol khai dê, tài bơh khai ò dòn song mơ Añ. Behơ̆ Añ pồn mat Añ bơh di bol khai, mơ Añ neh jào bol khai tòm tê ală cau sò tơm bol khai dê, mơ jơh tơl nă bol khai neh gơpừ bơh đào.

Ejekiel 5:13

Gen bơta gơhào gơjrañ Añ jê rơp tơl mơ bơta gơjrañ dờng Añ jê hơđang bol khai rơp rài mơ lơh hừh nùs Añ. Tòm tŭ Añ neh tuh bơta gơjrañ dờng Añ jê hơđang bol khai rau gen bol khai rơp git lah hơ̆ să tòm Añ Yàng Jehôwa, neh đơs tòm bơta ƀoah pơrñat Añ jê.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Amôs 2:13

Behơ̆, Añ rơp jă tơnlề bol mê tòm tiah bol mê, kung be dô nơm rơndeh jă tơnlề tòm tŭ gơ pơdiang kòi.

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.