Jeremi 44:21 - Sră Goh 2018

²¹ “Bol mê bal mơ ồng pàng, ală cau bơtau, ală kwang at bồ bol mê, mơ làng bol tòm lơgar neh chu kơlhô tòm ală ƀòn Juda mơ tòm ală gùng ƀòn dờng Jerusalem, Yàng Jehôwa ngan ò cih kah tòm dơngoh Kơnràñ ò ơ?

Jeremi 44:21 Mawu Ofanana

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

Đơs Crih 79:8

Dan Yàng bañ kah wơl mơ tòmdră di bol hi bơh ală tồi glài iơh bơsak ồng pàng bol hi dê; Dan Yàng ai nùs kòñ nđàc mhar tus dong kòl bol hi; Bơh bol hi kong bòl glar oă ngan.

Esai 64:9

Ơ Yàng Jehôwa, dan Kơnràñ bañ gơjrañ oă ir, dan bañ kah ală tồi glài bol hi dê sùm sùm. Tŭ do dan Kơnràñ wèt sền di bol hi, bơh bol hi jơh tơl nă la làng bol Kơnràñ dê.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

Jeremi 44:20

Gen Jeremi đơs mơ jơh ală làng bol, cau klau, cau ùr, mơ kòp nă cau neh ho wơl khai in behơ̆, lah:

Jeremi 44:9

Bol mê neh hŭi bơta iơh ồng pàng bol mê dê, bơta iơh ală cau bơtau Juda dê, bơta iơh ală bau ùr cau bơtau dê, bơta iơh să tòm bol mê mơ bau ùr he dê neh tìs tòm lơgar Juda mơ tòm ală gùng Jerusalem ơ?

Ejekiel 16:24

ai neh bơt bơtào dô bă tiah jơnhoa hơđang să tòm ai in mơ lơh gơs dô nơm hìu bơmồng jơnhoa tòm kòp nơm gùng tòm ƀòn dờng.

Sră Ôse 7:2

Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Yal Wơl 32:19

Yàng Jehôwa neh gŏ bơta hơ̆ mơ ƀoah pơrñat, Kơnràñ sang lòi ală kòn klau mơ ală kòn ùr Kơnràñ dê.

Yal Wơl 32:34

Añ ò di neh prap gàr bơta hơ̆ tòm tiah prap lòi mơ prap kơ̆ bơta hơ̆ tòm tiah prap phan ò ơ?

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

Yal Tơlik 18:5

bơh ală tồi glài khai dê neh gơ ngŏ tus hơ trồ, mơ Yàng Tom Trồ neh kah ală bơta tồi glài iơh bơsak khai dê.

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”