Jeremi 44:13 - Sră Goh 2018

¹³ Añ rơp lơh glài ală cau ơm tòm lơgar Ejiptơ, kung be neh lơh glài Jerusalem mơ pềs tà, jơgloh rung, mơ pluh plàng,

Jeremi 44:13 Mawu Ofanana

Jeremi 11:22

Behơ̆ tàng, Yàng Jehôwa Gơnap Gơnoar đơs be do: “Do, Añ rơp lơh glài bol khai; ală cau klau pơnu rơp chơt bơh đào, ală kòn klau kòn ùr bol khai rơp chơt bơh bơta jơgloh rung;

Jeremi 21:9

Cau lơi kư̆ ơm wơl tòm ƀòn dờng do rơp chơt bơh pềs tà, jơgloh rung, mơ pluh plàng; mơya cau lơi lik, kong alah mơ cau Kalde, hơ̆ la cau ơm gơrwàng bol mê; gen rơp kis, mơ bol khai rơp geh bơta kis.’

Jeremi 24:10

Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 42:15

gen, ơ bol mê la cau Juda gam wơl ne, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: ‘Tŭ bol mê wèt mat mut tòm Ejiptơ nàng ơm tòp tềng hơ̆,

Jeremi 42:16

gen pềs tà mơ bol mê rngòt rngơt rơp ting bàn bol mê tòm lơgar Ejiptơ; bơta jơgloh rung mơ bol mê cù kìr kung rơp ting jat bol mê tòm lơgar Ejiptơ, mơ bol mê rơp chơt tềng hơ̆.

Jeremi 42:17

Behơ̆ gen, dilah cau lơi wèt mat mut tòm lơgar Ejiptơ nàng ơm tòp tềng hơ̆, gen rơp chơt bơh pềs tà, jơgloh rung, mơ pluh plàng. Tòm mpồl bol khai, ò gơs cau lơi gam wơl; ò gơs cau lơi klàs bơh bơta rung rài mơ Añ cèng tus hơđang bol khai.’

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.