Jeremi 44:12 - Sră Goh 2018

¹² Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:12 Mawu Ofanana

Esai 1:28

Mơya ală cau tòmdră mơ ală cau tồi glài rơp kong bal bơta tơnroh, mơ ală cau sang lòi Yàng Jehôwa gen rơp kong roh rui.

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 29:22

Kòp nă cau Juda kong kup cèng ngài tòm Babilôn rơp ai bàr nă cau hơ̆ lơh gơs dô sèng srat rma, mơ lah: ‘Dan Yàng Jehôwa lơh mê in kung be Jedekia mơ Ahap, mơ bơtau Babilôn neh buh tòm ồs!’

Jeremi 42:1

Tŭ hơ̆ ală cau at bồ mpồl ling, Jôhanan kòn klau Kareah, Jesania, kòn klau Hôsaya, mơ jơh làng bol, bơh cau dềt tus cau dờng,

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Khà Làng Bol 5:27

Dilah cau ùr hơ̆ neh lơh să tòm khai gơlik gơs ò goh mơ neh ò ơm song mơ bau klau khai dê, gen tòm tŭ khai pal hùc dà cèng tus bơta srat sơntơm, dà hơ̆ gơmut tòm khai mơ lơh khai in jê sồt sràt bơtang; kơndul khai gơ rơp as pŭ mơ bơnô khai dê gơlik ồm. Mơ khai rơp gơkòl srat sơntơm digùl làng bol khai dê.