Jeremi 43:11 - Sră Goh 2018

¹¹ Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Jeremi 43:11 Mawu Ofanana

Sră Jop 20:29

Hơ̆ la pơnah mơ Yàng Tom Trồ prap lòi ală cau iơh bơsak in, La phan jơtài mơ Yàng Tom Trồ neh lơh nền bol khai in.”

Jeremi 15:2

Dilah bol khai lùp mê lah: ‘Ntềng đah bol hi rơp lòt taih?’ gen đơs tĕ mơ bol khai lah: Yàng Jehôwa đơs be do: ‘Ală cau neh rcang lòi pluh plàng in, pal kong pluh plàng; Ală cau neh kong pềs tà in, pal kong pềs tà; Ală cau neh rcang lòi jơgloh rung in, pal kong jơgloh rung; Ală cau neh rcang lòi kong kup cèng pơrdô ngài, pal kong kup cèng pơrdô.’”

Jeremi 25:15

Jehôwa Yàng Tom Trồ Israel dê neh đơs mơ añ be do: “Ai tĕ mơngàn tơrnòm bơta gơjrañ lik bơh tê Añ, mơ ală làng bol mơ Añ neh sồr mê tus pal ñô gơ.

Jeremi 25:19

Pharaôn, bơtau lơgar Ejiptơ, ală cau dĭ gơna khai, ală kwang at bồ mơ làng bol khai;

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:13

Añ rơp lơh glài ală cau ơm tòm lơgar Ejiptơ, kung be neh lơh glài Jerusalem mơ pềs tà, jơgloh rung, mơ pluh plàng,

Ejekiel 29:11

Ò gơs mpàng jơng kòn mơnus hala mpàng jơng phan poan jơng dê rơp lòt gan gơ, ò gơs cau lơi rơp ơm tềng hơ̆ tòm poan jơt sơnam.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Sacari 11:9

Behơ̆ Añ đơs lah: “Añ rơp ò lơh gơs cau ê bol mê tai. Belàt lơi chơt gen lòi tĕ gơ chơt; belàt lơi roh rui gen lòi tĕ gơ roh rui; ai ală belàt gam wơl gen belàt do rơp sa poac belàt ne.”

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.