Jeremi 43:10 - Sră Goh 2018

¹⁰ Mê pal yal tĕ bol khai in lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Añ rơp sồr mơ cèng dĭ gơna Añ la Nebukatnessar bơtau Babilôn, mơ khai rơp ơn sơbàn bơtau khai dê hơđang ală lŭ do mơ Añ pa pồn; bơtau hơ̆ rơp cang ală kơrnìng hơđang.

Jeremi 43:10 Mawu Ofanana

I Ală Bơtau 20:12

Benhadat kơno yal wơl ală jơnau hơ̆, tòm tŭ khai ơm ñô alak bal mơ ală bơtau tòm sàl, gen đơs mơ ală cau dĭ gơna lah: “Rcang tòmlơh tĕ.” Bol khai rcang bơta tòmlơh nàng tòmdră mơ ƀòn dờng.

I Ală Bơtau 20:16

Bol khai lik lòt tŭ trồ gùl ngai, tòm tŭ Benhadat ơm ñô bơñul tòm sàl bal mơ pe jơt bàr nă cau bơtau dong kòl khai.

Đơs Crih 18:11

Kơnràñ lơh bơta klam jơngo gơs phan jơm gòm Kơnràñ, Ngui ală mhwal jù gơs dà be kơrnìng cang Kơnràñ.

Đơs Crih 27:5

Bơh tòm ngai gơlòng bòl glar Kơnràñ rơp jơm gòm añ tòm tiah kìng crŭ Kơnràñ dê, Pồn añ tòm tiah ndơp ndơr tòm sàl Kơnràñ dê, Mơ Kơnràñ rơp ơn añ jơnhoa hơđang dô nơm pơnai lŭ.

Đơs Crih 31:20

Yàng pồn bol khai tòm tiah ndơp ndơr di đap mat Yàng, la tiah klàs bơh ală kai gơrmơ̆i kòn mơnus dê; Yàng sền gàr bol khai tòm rsơm Kơnràñ dê ngài bơh bơta tòmpìt tòmhà lơmpiat dê.

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Esai 45:1

Do la jơnau Yàng Jehôwa đơs mơ Sirus, la cau geh bong mơñà Kơnràñ dê, be do: Cau mơ Añ neh at di tê ma khai dê, nàng lơh ală lơgar dòn duh di đap khai, hồ che kơt but ală cau bơtau dê, pò ală mpồng di đap khai, mơ ală mpồng ƀòn dờng ò til wơl:

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 43:9

“Ai tĕ ală pơnai lŭ dờng ơn tòm tê mê dê, cèng pồn tòm ù kơnàng lơh gac di đap hìu Pharaôn, tòm Tahpanhes, lòi ală cau Juda in sền mê lơh behơ̆.

Jeremi 46:13

Do la jơnau Yàng Jehôwa đơs mơ cau gơnoar hwơr Jeremi, bơh bơta Nebukatnessar, bơtau Babilôn, rơp tus lơh lơgar Ejiptơ:

Jeremi 49:38

Yàng Jehôwa đơs: “Añ rơp ơn sơbàn añ tòm Elam; Añ rơp tơnroh jơh bơtau mơ ală kwang at bồ gơ.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.