Jeremi 42:5 - Sră Goh 2018

⁵ Ală cau hơ̆ đơs mơ Jeremi lah: “Dilah bol hi ò lơh jat kòp jơnau Jehôwa Yàng Tom Trồ ồng dê rơp sồr ồng yal bol hi in, dan Yàng Jehôwa la song ngan, dòn song lơh cơng digùl bol he!

Jeremi 42:5 Mawu Ofanana

Sơnròp Gơlik Gơs 31:50

Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.”

Lik Ejiptơ 20:19

Bol khai đơs mơ Môise lah: “Ồng đơs tĕ mơ bol hi gen bol hi rơp iat, mơya bañ lòi Yàng Tom Trồ đơs mơ bol hi, rngòt bol hi pal chơt.”

Lik Ejiptơ 20:7

Bol mê bañ ngui sơnđan Jehôwa Yàng Tom Trồ bol mê dê dô bă ò di pal, bơh Yàng Jehôwa rơp ò toh glài cau lơi in ngui sơnđan Kơnràñ dê dô bă ò di pal.

Jeremi 42:20

Tài bơh oh mi neh lơh bơta tìs sơbơng rơng ngan. Bơh oh mi neh sồr añ tus mơ Jehôwa Yàng Tom Trồ oh mi dê, mơ đơs lah: ‘Dan tài bơh bol hi hòi dan ala mơ Jehôwa Yàng Tom Trồ bol hi dê, mơ yal bol hi in git kòp bơta mơ Jehôwa Yàng Tom Trồ bol hi đơs; gen bol hi rơp lơh jat.’

Jeremi 43:2

gen Ajaria kòn klau Hôsaya, Jôhanan kòn klau Kareah, bal mơ ală cau pơnhừ să đơs mơ Jeremi lah: “Mê đơs blac! Jehôwa Yàng Tom Trồ bol hi òhềt tŭ lơi sồr mê yal bol hi in lah: ‘Bañ lòt hơ lơgar Ejiptơ mơ ơm tềng hơ̆.’

Jeremi 43:4

Behơ̆ gen, Jôhanan kòn klau Kareah, ală cau at bồ ling mơ làng bol, ò dòn jơnau Yàng Jehôwa neh sồr ơm wơl tòm lơgar Juda.

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Mice 1:2

“Ơ jơh ală làng bol, iat tĕ! Ơ plai ù mơ jơh ală cau ơm tòm plai ù, ơm iat tĕ! Lòi tĕ Jehôwa Yàng Tom Trồ lơh cơng tòmdră mơ bol mê, Yàng Jehôwa bơh Hìu Duh Khoai Sàng Goh Kơnràñ dê.

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Ală Kwang Cahrña 11:10

Ală cau kwang kra Galaat ho wơl lah: “Yàng Jehôwa rơp lơh cơng digùl bol he, bol hi rơp lơh ngan be mê đơs.”

I Samuel 12:5

Samuel đơs mơ bol khai lah: “Dan Yàng Jehôwa lơh cơng tòmdră mơ bol mê, mơ cau geh bong mơñà Kơnràñ dê lơh cơng tòm ngai do la bol mê ò bàn phan lơi tòm tê añ.” Bol khai đơs lah: “Dan Kơnràñ lơh cơng.”

I Samuel 20:42

Gen Jônathan đơs mơ Dabit lah: “Lòt tĕ lơngap lơngai, bơh bol he neh ai sơnđan Yàng Jehôwa mơ srat să tòmho lơh yô bal mơ gơp lah: ‘Yàng Jehôwa lơh cơng digùl bi mơ añ, mơ digùl kòn sau añ mơ kòn sau bi dê sùm sùm.’”