Jeremi 42:4 - Sră Goh 2018

⁴ Gen cau gơnoar hwơr Jeremi ho lah: “Añ kơno rau! Do, añ rơp hòi dan Jehôwa Yàng Tom Trồ bol mê dê, jat be jơnau bol mê dan, bơta lơi Yàng Jehôwa ho wơl, añ rơp yal bol mê in git, ò pồn dô êt lơi mơ bol mê.”

Jeremi 42:4 Mawu Ofanana

Đơs Crih 40:10

Añ ò pồn ndơp bơta dong kòl Kơnràñ dê tòm nùs añ, Añ neh đơs bơh bơta dòn song mơ bơta dong klàs Kơnràñ dê. Di đap mpồl jơnum dờng añ ò pồn ndơp bơta kòñ gơboh kơ̆ dơn mơ bơta dòn song Kơnràñ dê.

Lik Ejiptơ 8:29

Môise ho lah: “Di di tŭ añ lik lòt bơh di bơtau, añ rơp hòi dan mơ Yàng Jehôwa; mơ ngai hìng rhài rơp dô ngài bơh di bơtau, di ală cau kwang duh broă bơtau dê, mơ bơh di làng bol bơtau dê. Mơya dan bơtau bañ pơrlồm bol hi tai mơ ò lòi làng bol in lik lòt nàng ơn ală phan duh khoai Yàng Jehôwa in.”

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Jeremi 23:35

Behơ̆, do la sèng kòp nă pal lùp oh mi he lah: ‘Yàng Jehôwa neh ho wơl mbe lơi taih?’ hala ‘Yàng Jehôwa neh đơs mbe lơi taih?’

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Ejekiel 2:7

Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Broă 20:20

Añ bơto yal ală bơta gơs kwơ oh mi in, mơ bơto oh mi di đap ƀòn lơgar hala bơh hìu do tus hơ hìu ne.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Rôma 10:1

Ơ oh mi, bơta kơp kòñ tòm nùs añ mơ bơta añ hòi dan mơ Yàng Tom Trồ, hơ̆ la tồ làng bol Israel in geh dong klàs.

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.