Jeremi 42:2 - Sră Goh 2018

² neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Jeremi 42:2 Mawu Ofanana

I Ală Bơtau 13:6

Bơtau đơs mơ cau Yàng Tom Trồ lah: “Tŭ do rac dan tĕ nùs niam Jehôwa Yàng Tom Trồ ồng dê mơ hòi dan añ in, nàng tê añ geh gơrê wơl be òs.” Behơ̆ cau Yàng Tom Trồ dê rac dan mơ Yàng Jehôwa, gen tê bơtau gơrê wơl mơ khai, mơ gơlik be lài.

Đơs Crih 119:170

Dan jơnau rac ròc añ jê tus di đap Yàng; Dan dong tă añ jat jơnau Kơnràñ dê.

Lik Ejiptơ 8:28

Gen Pharaôn đơs lah: “Añ rơp lòi bol mê lòt ơn ală phan duh khoai Jehôwa Yàng Tom Trồ bol mê dê tòm ƀlàng ngềt ngơt, mơya bañ lòt ngài rlau. Tŭ do, hòi dan tĕ añ in ƀà!”

Lik Ejiptơ 9:28

Hòi dan tĕ mơ Yàng Jehôwa, bol hi neh kong ò jai ntơr kơnàs mơ mìu piar. Añ rơp lòi bol mê in lik lòt, bol mê ò càng ơm jŏ dô êt lơi tai.”

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Esai 42:20

Mê neh gŏ oă bơta, mơya ò sền sơwì dô êt lơi; mê gơs trồm tồr àng loh, mơya mê ò kơno dô êt lơi.

Jeremi 15:11

Yàng Jehôwa đơs: “Ngan Añ rơp dong tă mê, Tài bơh tơnggume broă niam. Ngan Añ rơp lơh cau sò tơm rac dan mơ mê Tòm tŭ rung rài chơt roh.

Jeremi 2:27

Bol khai đơs mơ dô nơm chi lah: ‘Kơnràñ la bèp añ,’ mơ đơs mơ lŭ lah: ‘Kơnràñ neh tơnggơs añ.’ Bơh bol khai neh wèt ngkòi hơ Añ, Mơ ò di la muh mat bol khai dê. Mơya, tòm tŭ rung rài, bol khai đơs lah: ‘Tus tĕ, dong kòl bol hi!’

Jeremi 21:2

“Dan hòi lùp Yàng Jehôwa bol he in, bơh Nebukatnessar, bơtau Babilôn, neh tus tòmlơh mơ bol he; digơlan Yàng Jehôwa rơp lơh ală broă crih crài bol he in be Kơnràñ òs lơh, mơ rơp lơh khai in lik ngài bơh bol he.”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 37:20

Tŭ do, ơ bơtau, ơ cau tòm añ, dan iat tĕ, kơp kòñ jơnau rac dan añ jê geh bơtau dòp! Dan bañ jào añ tòm hìu cau gơnoar cih Jônathan, rngòt añ rơp chơt tềng hơ̆.”

Jeremi 37:3

Bơtau Jedekia sồr Jehukan, kòn klau Selemia, mơ Sôphôni, kòn klau cau gơnoar ơn phan duh khoai Maaseya, lòt tus hơ cau gơnoar hwơr Jeremi mơ đơs lah: “Dan bơh bol hi hòi dan mơ Jehôwa Yàng Tom Trồ bol he dê.”

Jeremi 38:14

Bơtau Jedekia sồr jòi Jeremi mơ cèng is khai di tiah mpồng dơ̆ pe hìu Yàng Jehôwa dê. Bơtau đơs mơ Jeremi lah: “Añ gơs dô bơta lùp mê, bañ pồn añ dô êt lơi!”

Jeremi 40:15

Gen Jôhanan, kòn klau Kareah đơs òm mơ Gedalia tòm Mispa lah: “Dan ai añ in lòt, añ rơp tơnchơt Ismael, kòn klau Nethania, mơ ò gơs cau lơi git. Mbe rgơi lòi khai tă bơta kis ồng dê, mơ kòp nă cau Juda tơrgòm gùt dar ồng rơp nrah nring, mơ làng bol Juda gam wơl rơp chơt roh?”

Jeremi 42:20

Tài bơh oh mi neh lơh bơta tìs sơbơng rơng ngan. Bơh oh mi neh sồr añ tus mơ Jehôwa Yàng Tom Trồ oh mi dê, mơ đơs lah: ‘Dan tài bơh bol hi hòi dan ala mơ Jehôwa Yàng Tom Trồ bol hi dê, mơ yal bol hi in git kòp bơta mơ Jehôwa Yàng Tom Trồ bol hi đơs; gen bol hi rơp lơh jat.’

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ejekiel 12:16

Mơya Añ rơp lòi wơl dô êt tòm bol khai klàs bơh di pềs tà, jơgloh rung, mơ kòp jê pluh plàng, nàng digùl ală làng bol mơ bol khai rơp tus, bol khai rơp đal git jơh ală bơta cù kìr mơ bol khai neh lơh. Gen bol khai rơp git lah Añ la Yàng Jehôwa.”

Sră Ôse 8:10

Bulah bol khai neh tòmpơyòm bơh bơta tac rwat mơ ală làng bol, tŭ do Añ rơp pơjum tơrgòm bol khai wơl. Ò jŏ tai bol khai rơp kong pơnjê pơngkồr oă ngan hơđơm ơnòng kơnjơ̆ ală cau bơtau mơ cau kwang at bồ dê.

Lebi 26:22

Añ rơp sồr ală phan poan jơng tòm brê tus tòmdră mơ bol mê, mơ bol gơ rơp kơñau ală kòn sau bol mê dê bơh di bol mê, tơnroh ală phan poan jơng bol mê dê, pơndut ntum khà bol mê dê, lơh ngềt ngơt ală gùng lòt bol mê dê.

Amôs 7:2

Tòm tŭ gơ neh sa jơh hir ñhơt tòm lơgar rau; añ hòi dan lah: “Ơ Jehôwa Yàng Tom Trồ, añ dan Kơnràñ toh glài! Mbe Jakôp rgơi ntào jai taih? Khai la dềt ngan!”

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.

Broă 8:24

Simôn ho lah: “Dan ală ồng hòi dan mơ Yàng añ in ƀà, tồ añ ò gơkòl tòm bơta ală ồng neh đơs hơ̆.”

Yal Wơl 28:62

Bol mê la làng bol gơs ntum khà cau gal ngan kung be ală sơmañ hơđang trồ, bol mê rơp gam wơl khà mìng dô êt lơm, tài bơh bol mê ò dòn bơr Jehôwa Yàng Tom Trồ bol mê dê.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 7:8

Bol khai đơs mơ Samuel lah: “Bañ dơh rac dan mơ Jehôwa Yàng Tom Trồ bol hi dê bol hi in, mơ hòi dan nàng Kơnràñ rơp dong tă bol hi klàs bơh di tê cau Philistin.”