Jeremi 42:19 - Sră Goh 2018

¹⁹ Ơ oh mi la cau Juda gam ơm wơl, Yàng Jehôwa neh đơs bơh oh mi lah: ‘Bañ tus hơ lơgar Ejiptơ.’ Pal git loh lah ngai do añ neh yal loh oh mi in.

Jeremi 42:19 Mawu Ofanana

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Esai 21:12

Cau kơp gàr ho lah: “Àng drim tus, mơ mang kung tus. Dilah mê kòñ lùp gen lùp tĕ; rê wơl tai.”

Jeremi 38:21

Mơya dilah bơtau ò bài kong alah, gen do la jơnau Yàng Jehôwa neh yal tơlik añ in:

Ejekiel 17:15

Mơya bơtau hơ̆ neh bơtào tòmdră mơ cau Babilôn, sồr dô mpồl cau kong sồr lòt tus hơ lơgar Ejiptơ nàng dòp geh ală ơseh mơ dô mpồl oă cau ling. Khai rơp geh bơtoah bơtoài sơl? Dô nă cau lơh ală bơta behơ̆ rơp geh lik klàs sơl? Khai gơltac bơta ho bal mơ gam rgơi lik klàs sơl?’

Ejekiel 2:5

Mơ bulah bol khai iat hala ò iat, bơh bol khai la dô nơm hìu jak tòmdră, bol khai rơp git lah neh gơs dô nă cau gơnoar hwơr ơm digùl bol khai.

Ejekiel 3:21

Mơya, dilah mê neh bơto pơhìn cau song ring bañ tìs glài mơ khai ò tìs glài, gen ngan khai rơp kis tài bơh neh iat jơnau bơto pơhìn; mơ mê gen geh dong klàs să tòm he.”

Khà Làng Bol 14:3

Ñchi bơh tài Yàng Jehôwa cèng bol hi tus hơ lơgar do nàng lòi bol hi gơpừ chơt bơh đào tiah? Ală bau ùr mơ ală kòn sau bol hi dê rơp kong kup cèng kung be phan cau tòmpìt geh. Ò di niam rlau bol hi in la rê wơl hơ Ejiptơ ò ơ?”

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Yal Wơl 17:16

Rlau mơ hơ̆, cau bơtau ò di bơt bơtào he in dô mpồl gal ngan ơseh hala sồr làng bol rê wơl hơ Ejiptơ nàng jòi bơtơl tai ơseh, bơh Yàng Jehôwa neh đơs mơ bol mê lah: ‘Bol mê ò di rê wơl gùng hơ̆ tai.’

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.