Jeremi 42:18 - Sră Goh 2018

¹⁸ Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 42:18 Mawu Ofanana

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

Esai 30:3

Gen tàng bơta sền gàr Pharaôn dê rơp gơlik bơta ƀàssìl bol mê in, mƀur Ejiptơ dê rơp cèng bơta sền òsơp bol mê in.

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 22:27

Mơya bol khai rơp ò geh rê wơl hơ lơgar mơ bol khai kơp kòñ rê wơl.”

Jeremi 23:40

Añ rơp lơh bol mê in kong sền òsơp sùm sùm, ƀàssìl ò lồi, ò gơs tŭ lơi rgơi hŭi ò.”

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 29:22

Kòp nă cau Juda kong kup cèng ngài tòm Babilôn rơp ai bàr nă cau hơ̆ lơh gơs dô sèng srat rma, mơ lah: ‘Dan Yàng Jehôwa lơh mê in kung be Jedekia mơ Ahap, mơ bơtau Babilôn neh buh tòm ồs!’

Jeremi 33:5

‘Cau Kalde neh tus nàng tòmlơh, nàng lơh bềng lìu ƀồc ală cau mơ Añ neh tơnchơt tòm bơta gơjrañ mơ bơta gơjrañ dờng Añ jê; hơ̆ la tài bơh làng bol do iơh rmơh ngan mơ Añ neh pồn mat Añ jê bơh ƀòn do.

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ñìm Rac 2:4

Kơnràñ wàr àtak be dô nă cau sò tơm; pò tê ma hơđang kung be cau sòdră. Kơnràñ tơnchơt jơh ală cau lơh bol hi in jòng să; Tòm sàl kòn ùr Siôn, Kơnràñ neh tuh bơta gơjrañ dờng Kơnràñ dê kung be ồs.

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 20:34

Kung bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik mơ Añ rơp cèng bol mê lik klàs bơh di ală làng bol, mơ pơjum tơrgòm wơl bol mê bơh di ală lơgar mơ bol mê neh nrah nring.

Ejekiel 22:22

Be priă lề lac tòm bơnhă ồs gen bol mê kung rơp lề lac tòm gùl ƀòn dờng hơ̆, mơ bol mê rơp git lah Añ, Yàng Jehôwa, neh tuh bơta gơjrañ dờng Añ jê hơđang bol mê.’”

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Khà Làng Bol 5:27

Dilah cau ùr hơ̆ neh lơh să tòm khai gơlik gơs ò goh mơ neh ò ơm song mơ bau klau khai dê, gen tòm tŭ khai pal hùc dà cèng tus bơta srat sơntơm, dà hơ̆ gơmut tòm khai mơ lơh khai in jê sồt sràt bơtang; kơndul khai gơ rơp as pŭ mơ bơnô khai dê gơlik ồm. Mơ khai rơp gơkòl srat sơntơm digùl làng bol khai dê.

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.