Jeremi 41:18 - Sră Goh 2018

¹⁸ tài bơh cau kalde; bơh bol khai rngòt cau Kalde, tài bơh Ismael, kòn klau Nethania, neh tơnchơt Gedalia, kòn klau Ahikam, la cau mơ bơtau Babilôn neh pồ bơtào lơh gơs kwang at bồ hơđang lơgar.

Jeremi 41:18 Mawu Ofanana

II Ală Bơtau 25:22

Bơtau Babilôn bơtào Gedalia kòn klau Ahikam, sau Saphan lơh gơs kwang at bồ hơđang ală làng bol gam wơl tòm lơgar Juda, la ală cau bơtau Nebukatnessar lòi wơl.

II Ală Bơtau 25:25

Mơya kơnhai poh, Ismael, kòn klau Nethania, sau Elisama, bơh jơi bơtiàn bơtau, tus tòm Mitba, gơs jơt nă cau lòt bal, lơh tơnchơt Gedalia, ală cau Juda mơ cau Kalde ơm bal mơ khai tòm Mispa.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Jeremi 40:5

Lài mơ tŭ Jeremi lòt, gen Nebujaradan đơs pơnjat tai lah: “Rê tĕ bal mơ kòn klau Ahikam, sau Saphan, la Gedalia, hơ̆ la cau mơ bơtau Babilôn bơtào lơh gơs kwang at bồ ală ƀòn Juda; ơm tĕ mơ khai digùl làng bol, hala mê kòñ lòt tiah lơi gen lòt tĕ tềng hơ̆.” Gen, kwang at bồ mpồl ling kơp gàr bơtau ai khai in phan sa, phan ngui, mơ lòi khai lòt.

Jeremi 42:1

Tŭ hơ̆ ală cau at bồ mpồl ling, Jôhanan kòn klau Kareah, Jesania, kòn klau Hôsaya, mơ jơh làng bol, bơh cau dềt tus cau dờng,

Jeremi 42:11

Yàng Jehôwa đơs lah: bañ rngòt bơtau Babilôn, be bol mê neh rngòt; bañ rngòt bơtau hơ̆, bơh Añ ơm bal mơ bol mê nàng dong tă mơ dong bol mê klàs bơh tê khai.

Jeremi 42:16

gen pềs tà mơ bol mê rngòt rngơt rơp ting bàn bol mê tòm lơgar Ejiptơ; bơta jơgloh rung mơ bol mê cù kìr kung rơp ting jat bol mê tòm lơgar Ejiptơ, mơ bol mê rơp chơt tềng hơ̆.