Jeremi 41:1 - Sră Goh 2018

¹ Tòm kơnhai poh, Ismael kòn klau Nethania, sau Elisama tòm jơi bơtiàn cau bơtau, mơ la dô nă cau kwang dờng cau bơtau dê, cèng jơt nă cau bal mơ khai lòt tus mơ Gedalia kòn klau Ahikam, tòm Mispa. Tòm tŭ bol khai sa ƀañ mơ gơp tềng hơ̆.

Jeremi 41:1 Mawu Ofanana

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Ală Bơtau 11:1

Tòm tŭ Athali, mè Acasia dê, gŏ kòn klau he neh chơt rau, gen khai sồr tơnchơt jơh ală cau tòm hìu nhă cau bơtau dê.

II Ală Bơtau 25:22

Bơtau Babilôn bơtào Gedalia kòn klau Ahikam, sau Saphan lơh gơs kwang at bồ hơđang ală làng bol gam wơl tòm lơgar Juda, la ală cau bơtau Nebukatnessar lòi wơl.

II Ală Bơtau 25:25

Mơya kơnhai poh, Ismael, kòn klau Nethania, sau Elisama, bơh jơi bơtiàn bơtau, tus tòm Mitba, gơs jơt nă cau lòt bal, lơh tơnchơt Gedalia, ală cau Juda mơ cau Kalde ơm bal mơ khai tòm Mispa.

II Yal Yau 22:10

Tòm tŭ Athalia mè Acasia dê gŏ kòn klau khai dê neh chơt rau, khai ñă ntào tơnroh jơh hìu nhă cau bơtau Juda dê.

Đơs Crih 109:5

Behơ̆ bol khai ai bơta iơh tơm bơta niam, Ai bơta gơjrañ kơuềng tơm bơta kòñ gơboh añ jê.

Đơs Crih 41:9

Tus di cau bơyô đềt mềr añ jê mơ nùs añ dòn kơnòm, La cau neh sa piang lă añ jê, khai kung pò kơndòl jơng sò tơm di añ.

Jơnau Pơnđik 13:10

Bơta pơnhừ să tơnggơs bơta tòm pơndang bal; Ai bơta jak chài ơm mơ cau dòp jơnau bơto tơngkah.

Jơnau Pơnđik 27:4

Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

Jeremi 36:12

gen tus tòm gơlang bơtau, tòm ơdŭ cau gơnoar cih; mơ do, jơh ală kwang at bồ neh nggui tềng hơ̆: hơ̆ la Elisama cau gơnoar cih, Delaya kòn klau Semaya, Elnathan kòn klau Akbô, Gemaria kòn klau Saphan, Jedekia kòn klau Hanania, mơ jơh ală kwang at bồ.

Jeremi 36:20

Lồc behơ̆, ală kwang at bồ prap dap sră tòm ơdŭ cau gơnoar cih Elisama, lòt tus mơ cau bơtau tòm rơng hìu, mơ yal wơl kòp jơnau bơtau in.

Jeremi 39:14

sồr jòi Jeremi tòm ƀlàng hìu ling kơp gàr, mơ jào khai Gedalia kòn klau Ahikam, sau Saphan in, nàng jun khai rê tòm hìu. Gen khai ơm digùl làng bol.

Jeremi 40:13

Tŭ hơ̆ Jôhanan kòn klau Kareah mơ ală cau at bồ ling gam ơm tòm dơr brê, tus jòi Gedalia tòm Mispa mơ đơs mơ khai lah:

Jeremi 40:5

Lài mơ tŭ Jeremi lòt, gen Nebujaradan đơs pơnjat tai lah: “Rê tĕ bal mơ kòn klau Ahikam, sau Saphan, la Gedalia, hơ̆ la cau mơ bơtau Babilôn bơtào lơh gơs kwang at bồ ală ƀòn Juda; ơm tĕ mơ khai digùl làng bol, hala mê kòñ lòt tiah lơi gen lòt tĕ tềng hơ̆.” Gen, kwang at bồ mpồl ling kơp gàr bơtau ai khai in phan sa, phan ngui, mơ lòi khai lòt.

Jeremi 40:6

Gen Jeremi tus hơ Gedalia, kòn klau Ahikam, tòm Mispa, mơ ơm bal mơ khai digùl làng bol gam ơm wơl tòm lơgar.

Jeremi 40:7

Tòm tŭ ală cau at bồ ling gam ơm wơl tòm ală ƀòn dềt bal mơ ală cau ling bol khai dê kơno lah bơtau Babilôn neh bơtào Gedalia, kòn klau Ahikam, lơh gơs kwang đơng lơgar, mơ kơno bơtau neh jào khai in ală cau klau, cau ùr, kòn dềt, la ală cau rƀah lơòi tòm lơgar, òhềt cèng hơ Babilôn gơs dĭ.

Jeremi 40:8

Gen bol khai tus hơ Gedalia tòm Mispa. Hơ̆ la Ismael, kòn klau Nethania, Jôhanan mơ Jônathan, kòn klau Kareah, Seraya, kòn klau Tanhumet, ală kòn klau Ephai ơm tòm Netôpha, mơ Jesania, kòn klau Maaka, bal mơ ală cau lòt bal mơ bol khai.

Ejekiel 17:13

Lồc behơ̆ khai neh ai dô nă cau tòm hìu cau bơtau dê mơ bơtào dô bơta ho bal mơ cau hơ̆, sồr khai srat să ho nền. Khai kung neh kup cèng ală cau lam bồ lơgar dê,

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’