Jeremi 4:9 - Sră Goh 2018

⁹ Yàng Jehôwa đơs: “Tòm ngai hơ̆, cau bơtau mơ ală kwang at bồ gơdô nùs; Ală cau gơnoar ơn phan duh rngòt rngơt, Ală cau gơnoar hwơr mơp dơl.”

Jeremi 4:9 Mawu Ofanana

II Ală Bơtau 25:4

Tŭ hơ̆, gơs dô nơm trồm neh tơmbluh di dơrñang ƀòn; gen bơtau mơ jơh mpồl ling ntoat dô tòm trồ mang di gùng mpồng ƀòn dờng digùl bàr nơm dơrñang ƀòn rềp di suơn bơtau. Bulah mpồl ling Kalde gơrwàng ƀòn dờng. Bol khai dô song hơ Araba.

Đơs Crih 102:4

Nùs añ kong pù lơh mơ ro rañ be ñhơt, Gen tàng añ hŭi sa piang.

Esai 19:16

Tòm ngai hơ̆, cau Ejiptơ rơp be cau ùr, rơm să rngòt di đap tê Yàng Jehôwa Gơnap Gơnoar Dờng neh pò tòmdră mơ bol khai.

Esai 19:3

Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 28:19

Kòp dơ̆ bơta rung rài lòt gan gơ rơp cèng pơrdô bol mê; àng drim do tus àng drim ne, tòm trồ ngai mơ tòm trồ mang, bơta rung rài gơ rơp lòt gan. Mìng bơta rngòt rngơt rgơi lơh bol mê in git wă jơnau bơto sồr do.

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 52:7

Dơrñang ƀòn kong phà tơrlah, jơh ală ling jak tòmlơh dô lik jơh bơh ƀòn tòm trồ mang, bơh di mpồng ơm digùl bàr nơm dơrñang, rềp di suơn bơtau; tòm tŭ cau Kalde ơm gơrwàng ƀòn, gen bol khai ntoat dô wèt hơ Araba.

Broă 13:41

‘Ơ cau pơnhừ să! Nrơt nrơl mơ roh rui tĕ! Bơh tòm rài bol mê, Añ rơp lơh dô nơm broă, Bulah gơs cau yal wơl, bol mê kung ò dòn.’”