Jeremi 4:8 - Sră Goh 2018

⁸ Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jeremi 4:8 Mawu Ofanana

Đơs Crih 78:49

Kơnràñ tơndùh hơđang bol khai bơta gơjrañ ngan Kơnràñ dê, Hơ̆ la bơta gơjrañ dờng, bơta gơhào nùs mơ bơta rung rài, Kung be dô mpồl cau gơnrơh tơnroh.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 32:11

Rơm să tĕ, bol ai la ală cau ùr ơm lơngai! Rngòt rơm să tĕ, bol ai la ală kòn ùr kơlôi geh hừh nùs! Hồ tĕ ồi ào bol ai dê mơ ơm să kuh; soh tĕ ƀào sơnò kiat gùt dar but.

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 48:20

Môap kong ƀàssìl ƀàsso, bơh gơ neh lề lac. Pơt wòl tĕ! Ai jơnau hòi driau tĕ di gah hiòng Arnôn! Yal tơlik tĕ tòm tiah Arnôn lah Môap neh kong phà tơnroh.

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Ejekiel 30:2

“Ơ kòn mơnus, đơs hwơr tĕ lah: Jehôwa Yàng Tom Trồ đơs be do: ‘Ñìm rac tĕ! “Bòl glar ngan ngai hơ̆ in!”

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mice 1:16

Koah bồ tĕ mơ ñìm rac ròc, bơh ală kòn sau mơ bol mê kòñ gơboh; lơh tĕ bồ bol mê lòl kung be grơt, bol khai rơp lik lòt bơh bol mê, mơ kong kup cèng pơrdô hơ tiah ngài!

Khà Làng Bol 25:4

Yàng Jehôwa đơs mơ Môise lah: “Kup tĕ jơh ală cau kwang at bồ làng bol do dê, tơnchơt bol khai mơ yồng ƀồc bol khai tòm bơta àng mattơngai dê di đap Yàng Jehôwa tồ bơta gơjrañ dờng Kơnràñ dê digơlan rơp geh rài bơh di Israel.”