Jeremi 4:7 - Sră Goh 2018

⁷ Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 4:7 Mawu Ofanana

II Ală Bơtau 24:1

Tòm rài Jehôyakim at bồ, gen Nebukatnessar, bơtau Babilôn, guh tòmpìt lơgar Juda. Gen Jehôyakim gơlik gơs cau duh broă khai tòm pe sơnam, mơya bơtau Jehôyakim pơrlơ̆ nùs mơ tòmdră wơl mơ Nebukatnessar.

II Ală Bơtau 25:1

Tòm nam dơ̆ sin rài Jedekia, ngai jơt kơnhai jơt, bơtau Nebukatnessar, Babilôn dê, bal mơ jơh mpồl ling khai dê, tus tòmlơh mơ Jerusalem; mơ khai sơntơp sàl di đap ƀòn, mơ bơt dơrñang gơrwàng gùt dar ƀòn.

Esai 1:7

Lơgar bol mê dê kong sang lòi ngềt ngơt, ală ƀòn dờng bol mê dê kong chu mơ ồs; di đap mat bol mê cau lơgar bơdìh tòmpìt ù tiah bol mê dê, gơkòl sang lòi ngềt ngơt be tòm tŭ ală cau làng bol bơdìh lơh gơprah gơpring.

Esai 5:9

Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Jeremi 22:7

Añ rơp rcang ală cau tơnroh tòmdră mơ mê mơ ală phan tòmlơh khai dê; Bol khai rơp kơl ală chi pơnggŏ niam bol mê dê, Mơ sơrbì gơtòm ồs.’

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 26:9

Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 4:29

Tŭ kơno ntas ling hào ơseh, mơ ling pañ sơna, Jơh ală cau tòm ƀòn dờng ntoat dô; Bol khai mut tòm rlau chi, hào hơđang ală pơnai lŭ; Jơh ală ƀòn dờng kong sang lòi, Ò gơs dô nă cau ơm tòm ală ƀòn dờng hơ̆.

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:44

Kung be klìu triă guh bơh ală brê Jordan tòmdră mơ ală ƀlàng ñhơt gam sùm. Añ rơp lơh cau Kalde nisơna in dô klàs, mơ bơtào cau mơ Añ neh sac rwah nàng at bồ bol khai. Bơh ñcau tòm toh kung be Añ taih? Ñcau neh lơh nền tŭ tơngai Añ in taih? Ñcau la cau ê belàt rgơi ntào di đap Añ taih?”

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ejekiel 12:20

Ală ƀòn dờng gơs cau ơm rơp kòl sang lòi srau gòi, mơ ù tiah rơp kong sang lòi ngềt ngơt. Gen bol mê rơp git lah Añ la Yàng Jehôwa.’”

Ejekiel 21:31

Añ rơp tuh bơta gơjrañ dờng Añ jê hơđang bol mê mơ khồm ồs bơta gơjrañ Añ jê hơđang bol mê, Añ rơp jào phi bol mê tòm tê ală cau iơh rmơh ngan, jak chài tòm bơta tơnroh.

Ejekiel 32:2

“Ơ kòn mơnus, ñìm rac tĕ bơh Pharaôn, bơtau Ejiptơ, mơ đơs mơ khai lah: ‘Mê kơlôi tĕ să tòm mê la dô nơm klìu triă digùl ală làng bol; mơya mê be la dô nơm nagrài tòm dàlềng, rpơt làm ală hiòng, ai jơng lơh sơngkal dà, lơh ƀô ồm ală croh dà mê dê.’

Daniel 5:19

Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.