Jeremi 4:5 - Sră Goh 2018

⁵ Yal tơlik tĕ tòm Juda, yal tơnggit tĕ tòm Jerusalem lah: “Uh tĕ kơlwòk làm lơgar, driau dờng tĕ mơ đơs lah: ‘Pơjum dô bă bal tĕ, mơ bol he lòt lă mut tòm ală ƀòn dờng kơ̆ cê!’

Jeremi 4:5 Mawu Ofanana

Esai 28:19

Kòp dơ̆ bơta rung rài lòt gan gơ rơp cèng pơrdô bol mê; àng drim do tus àng drim ne, tòm trồ ngai mơ tòm trồ mang, bơta rung rài gơ rơp lòt gan. Mìng bơta rngòt rngơt rgơi lơh bol mê in git wă jơnau bơto sồr do.

Jeremi 11:2

“Iat tĕ jơnau ho bal do, mơ yal tĕ cau Juda mơ làng bol Jerusalem in.

Jeremi 35:11

Mơya, tŭ Nebukatnessar bơtau Babilôn tus tòmlơh mơ lơgar do, bol hi đơs bal lah: ‘Guh tĕ hơ Jerusalem, bơh rngòt di mpồl ling cau Kalde mơ mpồl ling Siri dê.’ Gen tàng bol hi tus ơm tòm Jerusalem.”

Jeremi 5:20

Yal tơnggit tĕ ală jơnau do hìu Jakôp in; Yal tơlik tĕ gơtòm Juda lah:

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Ejekiel 7:14

Bulah bol khai uh kơlwòk mơ rcang sir jơh ală bơta, ò gơs dô nă cau lik lòt tòmlơh, bơh bơta gơjrañ dờng Añ jê neh dùh hơđang jơh mpồl làng bol.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Khà Làng Bol 10:2

“Lơh tĕ bàr nơm kơlwòk mơ priă klơn lơho, mơ ngui gơ nàng hòi pơjum mpồl jơnum mơ sồr bol khai lik lòt.

Khà Làng Bol 10:3

Tòm tŭ cau uh jơh bàr nơm gen jơh dô mpồl jơnum pal pơjum bal di đap mê di tiah mut Sàl Tòm Mat dê.

Jôsue 10:20

Tòm tŭ Jôsue mơ ală cau Israel neh sir tơnchơt oă ngan cau tòm bol khai, jơl tus neh tơnchơt goh jơh, mơ tòm tŭ ală cau gam kis neh mut tòm ală ƀòn kơ̆ cê,