Jeremi 4:4 - Sră Goh 2018

⁴ Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 4:4 Mawu Ofanana

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

Esai 10:17

Bơta àng Israel dê rơp gơlik gơs dô nơm ồs, mơ Bơtau Sàng Goh khai dê be lơmpiat ồs, tòm dô ngai gơ rơp chu pơrguc ală tòm lò mơ lò mrơt khai dê.

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Jeremi 15:14

Añ rơp lơh bol mê in duh broă ală cau sò tơm bol mê dê, Tòm dô nơm lơgar mơ bol mê òhềt git, Tài bơh tòm bơta gơjrañ Añ jê be ồs neh hơng, Mơ rơp chu pơrguc sùm sùm.”

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 21:5

Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Jeremi 23:19

Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 9:25

Yàng Jehôwa đơs: “Nền cê ngan, ngai rơp tus, tòm tŭ Añ rơp lơh glài kòp nă cau geh siat gơltau đah bơdìh:

Jeremi 9:26

hơ̆ la Ejiptơ, Juda, Edôm, kòn sau Ammôn, Môap, mơ jơh ală cau koah sŏ di gah tồr mơ ơm tòm ƀlàng bràs. Bơh jơh ală làng bol do ò kong siat gơltau, mơ jơh hìu Israel neh ò siat gơltau tòm nùs.”

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 16:38

Añ rơp cahrña mơ lơh glài ai kung be lơh glài ală cau ùr rềs àr bơrnàn mơ lơh gơhòr mhàm; Añ rơp tuh hơđang ai mhàm bơta sal tê bơh bơta gơjrañ dờng mơ bơta ƀoah pơrñat Añ jê.

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Ejekiel 20:33

Jehôwa Yàng Tom Trồ đơs lah: ‘Di ngan kung be Añ kis, Añ rơp at bồ bol mê bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik.

Ejekiel 21:17

Añ kung rơp tàp tê, Añ rơp lơh hừh bơta gơjrañ dờng Añ jê. Să tòm Añ la Yàng Jehôwa đơs behơ̆.”

Ejekiel 24:13

Tòm tŭ Añ neh kòñ rào ai bơh bơta tồi glài rềs àr dri tơlàr ai dê, mơya ai ò gơs goh bơh di ală bơta ƀơ̆ ƀơl ai dê, ai rơp ò tai geh lơh goh jơl tus di tŭ lơi Añ neh rài bơta gơjrañ dờng Añ jê gơwèt mơ ai.

Ejekiel 24:8

Nàng tơngguh bơta gơjrañ dờng Añ jê, mơ bơta sal tê, Añ neh ơn mhàm mơ khai neh lơh gơtuh hơđang dô pơnai lŭ mpòl, tian gơs gơ ò rgơi jơm ndơp tai.’

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Ejekiel 6:12

Cau lơi ơm ngài rơp chơt bơh pluh plàng, cau lơi ơm rềp rơp pừ bơh đào, mơ cau lơi gam kis, gam lòi wơl gen rơp chơt bơh jơgloh rung. Hơ̆ la bơta gơjrañ dờng Añ jê, Añ rơp tuh hơđang bol khai.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Lebi 26:41

la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Rôma 2:25

Ngan behơ̆, dilah mê lơh jat bơta boh lam, gen bơta siat gơltau gơlik gơs kwơ; ai dilah mê lơh tìs mơ bơta boh lam, gen bơta siat gơltau mê dê kung be ò.

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

Kôlôse 2:11

Tòm Kơnràñ oh mi kung neh kong siat gơltau, ò di siat gơltau bơh tê cau lơh, mơya siat gơltau bơh Bơtau Krist, hơ̆ la bơta klò sang să jan poac să.