Jeremi 4:30 - Sră Goh 2018

³⁰ Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 4:30 Mawu Ofanana

II Ală Bơtau 9:30

Tòm tŭ Jehu lòt tus hơ Jejreel, gen Jesebel kơno bơta hơ̆; khai bong muh mat, bơka sŏ, mơ tơnggòr bơh di mpồng dềt.

Jơnau Pơnđik 6:25

Nùs kòn bañ hàm kòñ bơta hàng mơnĕ khai dê, bañ lòi he gơtup di sơmbir mat khai dê.

Jơnau Pơnđik 7:10

Ne, cau ùr hơ̆ lik lòt rò khai, Bơka să be cau ùr dri, nùs bềng kai gơrmơ̆i.

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 20:6

Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Ejekiel 28:13

Mê neh ơm tòm suơn Eden, la suơn Yàng Tom Trồ dê; Mê neh geh bơka să mơ tơl ală lŭ màng: lŭ kĕ pơrhê, lŭ kĕ rmit, lŭ kĕ màng, lŭ màng tơlir, lŭ màng pơrhê, lŭ màng gơcrà, lŭ màng tơlir trồ, lŭ kĕ tơlir, lŭ màng tơlir ñhơt. Jơh ală lŭ màng hơ̆ geh lơh bal mơ màh mơ rcang sir tòm ngai mê geh crơng gơs.

Ejekiel 28:9

Mê gam khin đơs lah: “Añ la dô nă yàng,” di đap mat ală cau tơnchơt mê sơl ơ? Bulah mê be lơi mơya mê la dô nă kòn mơnus ò di la yàng, tòm tŭ mê ơm tòm tê ală cau lơh mê in jê sồt.

Apdia 1:7

Jơh ală cau dô bă bal mơ mê pơrlồm mê, bol khai bơtrơh mê tus di nhàr lơgar; ală cau dô bă bal mơ mê tòmdră mơ pha rlau mơ mê; ală cau sa piang lă mê dê rơp pơt dô nơm dă nàng kup mê; bulah behơ̆ khai ò git wă ñchi bơh tài ală bơta hơ̆ gơlik gơs.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Yal Tơlik 17:13

Bol khai dô nùs bal mơ jào gơnap gơnoar mơ gơnoar bol khai dê phan poan jơng in.

Yal Tơlik 17:2

Ală cau bơtau hơđang ù neh tìs glài rềs àr bơrnàn mơ khai, mơ ală cau ơm tòm plai ù neh bơñul mơ tơrnòm bơta rềs àr bơrnàn khai dê.”

Yal Tơlik 17:4

Cau ùr hơ̆ soh phan dà gur mơ dà pơrhê, sơmpô să khai mơ màh, lŭ màng, lŭ kràng màng; tê khai at dô nơm mơngàn màh bềng ală phan ngkòr ngkàc, hơ̆ la ală bơta ƀơ̆ ƀơl bơta rềs àr bơrnàn khai dê.