Jeremi 4:28 - Sră Goh 2018

²⁸ Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 4:28 Mawu Ofanana

Esai 24:4

Plai ù rơp rañ rsơh mơ ñòp ro; lơgar dunnia siar roh mơ ñòp ro; tap trồ mơ plai ù kung siar roh jơh.

Esai 34:4

Jơh ală gơnoar hơđang trồ rơp roh thit, ală tap trồ rơp pồt wơl be dô blah sră pồt; jơh ală mpồl sơmañ rơp rung be nha ño ro, hala be plai ƀal ro rung bơh tòm chi ƀal.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 50:3

Añ tơnsoh tap trồ mơ bơta klam jơngo mơ lơh ƀào sơnò kiat gơs phan jơm gòm gơ.

Jeremi 12:11

Bol khai neh lơh gơ in gơlik tiah lòi srau, rhàng ngềt ngơt, Gơ pơt wòl di đap Añ. Jơh lơgar neh gơlik srau gòi, Mơya ò gơs cau lơi ơn nùs di gơ.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 23:20

Bơta gơjrañ Yàng Jehôwa rơp ò ruc wơl Jơl tus di tŭ Kơnràñ lơh sir mơ wil tơl bơta Kơnràñ neh lơh nền tòm nùs, Tòm ngai lồi dut, bol mê rơp git wă loh làng bơta hơ̆.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 51:12

Bơtào tĕ bồng bi Tòmdră mơ ală dơrñang Babilôn dê! Bơt tiah kơp gàr tĕ, bơtào tiah ală cau ling kơp gàr, rơndap ling kơp mòc! Bơh Yàng Jehôwa neh rơndap nền mơ neh lơh gơs Bơta Kơnràñ neh đơs bơh làng bol Babilôn.

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ejekiel 24:14

Añ la Yàng Jehôwa neh đơs; tŭ jơ neh tus, Añ rơp lơh broă. Añ rơp ò nđàc sơngit, Añ rơp ò ruc wơl; Añ rơp ò gơn tai. Jat be ală gùng dà ai dê mơ broă ai neh lơh, Añ rơp cahrña ai,’ Jehôwa Yàng Tom Trồ đơs behơ̆.”

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Jôel 1:10

Ală ƀlàng sre gơkòl phà tơnroh, ù tiah rañ rsơh, kòi mbo gơkòl tơnroh, tơrnòm pa neh soat, mơ mơñà neh jơh.

Sacari 8:14

Bơh Yàng Jehôwa Gơnap Gơnoar Dờng Làm Jơh đơs be do: “Kung be Añ neh lơh nền tơndùh bơta rung rài hơđang bol mê mơ ò tơnruc nùs tòm tŭ ồng pàng bol mê bơrcek Añ gơjrañ,” Yàng Jehôwa Gơnap Gơnoar Dờng Làm Jơh đơs behơ̆,

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Mathiơ 27:45

Bơh jơt bàr jơ gùl ngai gơlik klam jơngo làm ù jơl tus di pe jơ mho

Jơnau Niam Jat Mak 15:33

Bơh di jơt bàr jơ gùl ngai gơlik klam jơngo làm ù jơl tus di pe jơ mho.

Luka 23:44

Tŭ hơ̆ pơgap di jơt bàr jơ ngai, làm lơgar gơs klam jơngo cik jơl tus di pe jơ mho,

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Hebrơ 7:21

mơya Yàng Jesu neh gơlik gơs cau gơnoar ơn phan duh khoai bơh jơnau ho nền tòm tŭ Yàng Tom Trồ đơs mơ Kơnràñ lah: “Yàng neh srat să, ò tòmgơl nùs, Mê la cau gơnoar ơn phan duh khoai gam sùm sùm,”

Yal Tơlik 6:12

Tòm tŭ belàt Kòn tă ƀang kì dơ̆ prau, gen añ sền gŏ, ne, gơs lơnggơr ù dờng ngan, mattơngai gơlik jù be bài sơnò kiat jù, mơ kơnhai gơlik gơs be mhàm.

I Samuel 15:29

Rlau mơ hơ̆ tai bơta Gơklŏ Israel dê ò ruc wơl mơ tòmgơl nùs Kơnràñ dê, bơh Kơnràñ ò di la kòn mơnus nàng Kơnràñ tòmgơl nùs Kơnràñ dê.”