Jeremi 4:26 - Sră Goh 2018

²⁶ Añ sền gŏ sre niam gơlik gơs ƀlàng ngềt ngơt, jơh ală ƀòn dờng gơ dê neh gơprah gơpring, di đap Yàng Jehôwa, bơh bơta gơhào gơjrañ dờng Kơnràñ dê.

Jeremi 4:26 Mawu Ofanana

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ñìm Rac 2:7

Yàng Jehôwa neh sền òsơp cơnòng duh khoai Kơnràñ dê, mơ ò dòp tiah sàng goh Kơnràñ dê; Kơnràñ neh jào tòm tê cau sò tơm ală dơrñang gơlang bơtau khai dê; dô bơta nggồr nggàc tòm hìu Yàng Jehôwa dê kung be tòm ngai pơjum sa.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”