Jeremi 4:24 - Sră Goh 2018

²⁴ Añ sền hơđang ală mơnơm, ne, jơh gơlơnggơr; mơ jơh ală dòr ơwañ lòt bơh tiah do tus tiah ne.

Jeremi 4:24 Mawu Ofanana

I Ală Bơtau 19:11

Yàng Tom Trồ đơs mơ khai lah: “Lik tĕ, ntào di jơng mơnơm di đap Yàng Jehôwa, bơh Yàng Jehôwa rơp lòt gan.” Tŭ do gơs dô ròs càl dờng khồm pràn ngan di đap Kơnràñ, crè ală mơnơm, mơ lơh bơcah ală pơnai lŭ gơlik rpot rpet; mơya Yàng Jehôwa ò ơm tòm càl. Tơnơ̆ mơ ròs càl gơs dô bơta gơlơnggơr ù, mơya Yàng Jehôwa ò ơm tòm ù lơnggơr;

Đơs Crih 18:7

Tŭ hơ̆ ù lơnggơr mơ gơrơm, Mơnàng ală mơnơm kung gơwañ mơ lơnggơr, tài bơh Kơnràñ gơhào gơjrañ.

Đơs Crih 77:18

Ntơr kơnàs Yàng dê gơ ơm tòm càl wàl bong, Puhlèp Kơnràñ dê sòl pơnđàng dunnia, Plai ù gơlơnggơr mơ nggồr.

Đơs Crih 97:4

Puhlèp Kơnràñ dê sòl pơnđàng dunnia; Plai ù gŏ gen lơnggơr.

Lik Ejiptơ 19:18

Ñhŭ jơm gòm mơnơm Sinai tài bơh Yàng Jehôwa ơm tòm ồs mơ mù hơđang hơ̆. Ñhŭ gơguh bơh hơ̆ kung be ñhŭ bơh di dô nơm bơnhă ồs dờng, jơh dô nơm mơnơm gơlơnggơr pràn ngan.

Esai 13:13

Behơ̆ tàng Añ rơp lơh ală tap trồ gơlơnggơr, ù tiah rơp gơlơnggơr mơ gơpơrdô bơh di tiah gơ dê bơta gơjrañ dờng Yàng Jehôwa Gơnap Gơnoar Dờng dê, tòm ngai Kơnràñ gơhào gơjrañ.

Esai 24:20

Plai ù gơpơrlac kung be cau bơñul ñô; gơtơyài kung be dô nơm rnŭ lơh mơ ja, tồi glài gơ tơnàñ kơnjơ̆ hơđang gơ, mơ gơ rơp tơrlơm mơ rơp ò geh guh tai!

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ejekiel 38:20

Ală ka tòm dàlềng, ală sềm hơđang trồ, ală jơi phan poan jơng tòm ƀlàng, jơh ală kòn mơnus ơm hơđang plai ù rơp rơm să tòm tŭ Añ tơlik să. Ală mơnơm rơp kòl sơrbì, ală pơnai lŭ dờng rơp bơcah lề, mơ jơh ală dơrñang rơp tơrlah jơh.’

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Habakuk 3:10

Ală mơnơm gŏ Kơnràñ gen gơrơm rngòt. Ală gùng dà hòr pràn; brong jrô nggồr sap dờng mơ tơngguh jơnhoa tê gơ hơđang.

Habakuk 3:6

Kơnràñ neh ơm dơh mơ rơnggô plai ù; Kơnràñ sền mơ lơh ală làng bol rơm să. Ală mơnơm gam sùm sùm tơrlah tơrlơm, Ală dòr bơh rài yau lề lac. Ală gùng dà Kơnràñ dê gam sùm sùm ò lồi.

Yal Tơlik 6:14

Trồ gơpồt wơl be dô pang sră pồt mơ roh thit, mơ jơh ală mơnơm mơ bồt pơlào gơkòl cèng pơrdô bơh di tiah gơ dê.