Jeremi 4:22 - Sră Goh 2018

²² “Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 4:22 Mawu Ofanana

Sơnròp Gơlik Gơs 39:16

Gen khai lòi ào Jôsep di gah khai mơ gơn tus di tŭ cau tòm rê.

II Samuel 13:3

Mơ Amnôn gơs dô nă cau bơyô sơnđan la Jônadap, kòn klau Simea la bi Dabit; mơ khai la cau lac lèo ngan.

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Đơs Crih 36:4

Khai kơlôi bơh bơta iơh tòm tŭ khai bic hơđang cơnòng; Khai jat gùng ò niam; khai ò sền òsơp mơ ò sang bơta iơh bơsak.

Đơs Crih 53:4

Ală cau lơh bơta iơh bơsak ò git wă sơl ơ? Bol khai sa loan làng bol Añ jê, ò gơkrơi be sa ƀañ, Mơ kung ò gơs tŭ lơi hòi dan mơ Yàng Tom Trồ sơl.

Đơs Crih 82:5

Bol khai ò gơs bơta git jak, kung ò gơs bơta git wă sơl, Bol khai lơh lòt tòm bơta klam jơngo; jơh ală mơnàng plai ù gơlơnggơr.

Jơnau Pơnđik 28:5

Cau tơmut he tòm bơta iơh ò wă wơng bơta song ring; mơya cau lơi jòi jat Yàng Jehôwa wă wơng jơh ală bơta.

Esai 1:3

Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 13:23

Cau Ethiôpi rgơi tòmgơl gơltau, Hala klìu sơmañ rgơi tòmgơl sơnràng gơ dê sơl? Dilah rgơi gen bol ai la cau neh mòng lơh iơh rau, Kung rgơi lơh niam sơl.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 4:21

Nđò jŏ tai añ pal sền di bồng bi, Mơ kơno ntas kơlwòk taih?

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Jeremi 5:4

Gen añ đơs: “Ală cau do mìng la cau rƀah, Bol khai ò gơs bơta git wă; Bơh bol khai ò git gùng dà Yàng Jehôwa dê, Bơta boh lam Yàng Tom Trồ bol khai dê.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Jeremi 9:5

Bol khai jơh tơl nă pơrlồm cau gơp ƀòn he, mơ ò gơs dô nă cau lơi đơs jơnau song. Bol khai bơto lơmpiat bol khai đơs blac, Pơnđơl pràn lơh bơta iơh, mơ kalke nàng gơjrañ sang glài.

Ejekiel 16:30

Jehôwa Yàng Tom Trồ đơs lah: ‘Ai gơs nùs hàm kòñ ò git nđò tòm tŭ ai neh lơh jơh ală bơta hơ̆, lơh kung be dô nă cau ùr dri ò git ƀàssìl ƀàsso!

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Mice 2:1

Bòl glar cau lơi in bơtào kai bơta jàñ bơsak, mơ broă iơh rmơh hơđang cơnòng bic bol khai dê! Tòm tŭ trồ rìng àng, bol khai lơh gơs bơta hơ̆ tài bơh gơ ơm tòm gơnoar bol khai dê.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Rôma 1:22

Bol khai sơnđan is să he la jak chài, mơya gơlik gơs tùl gơla.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 16:19

Bơta dòn bơr oh mi dê neh pơnro làm jơh, behơ̆ tàng añ hòn chò bơh oh mi: mơya añ kòñ oh mi jak chài đah bơta niam mơ sàng goh ò lơh bơta iơh bơsak.

Rôma 3:11

Ò gơs dô nă cau lơi git wă, Ò gơs dô nă cau lơi jòi jat Yàng Tom Trồ.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Yal Wơl 32:28

Bol khai la dô nơm làng bol siơ̆u bơta jak chài; ò gơs bơta git wă tòm bol khai.

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?