Jeremi 4:18 - Sră Goh 2018

¹⁸ “Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 4:18 Mawu Ofanana

Đơs Crih 107:17

Cau ƀà gơlik kòp jê tài bơh ală gùng dà tồi glài bol khai dê, Mơ kong jê sồt bòl glar tài bơh bơta tồi glài iơh bơsak bol khai dê.

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Jơnau Pơnđik 5:22

Ală cau iơh bơsak rơp kòl tồi glài bol khai dê kup bol khai kung be yar dă; Mơ bol khai kòl kơt bơh bơta bòl glar ală tồi glài bol khai dê.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Jeremi 5:19

Gen tòm tŭ làng bol mê đơs lah: ‘Ñchi bơh tài Jehôwa Yàng Tom Trồ bol he dê neh lơh ală bơta do bol he in taih?’ gen mê pal yal bol khai in lah: ‘Kung be bol mê neh sang lòi Añ mơ duh broă ală yàng cau bơdìh tòm lơgar he mbe lơi, gen bol mê kung rơp duh broă ală làng bol bơdìh tòm dô nơm lơgar ò gơrê bal mơ bol mê behơ̆ sơl.’

Jeremi 5:25

Broă iơh bơsak bol mê neh lơh ngài bơta hơ̆ mơ bol mê; Tồi glài bol mê kơryan bol mê geh lơngai.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Ñìm Rac 3:15

Kơnràñ neh tơmbềng añ mơ bơta sràt bơtang, Kơnràñ ai añ in sa hòm sơnơm bơtang.

Ejekiel 39:24

Añ neh lơh gơwèt mơ bol khai jat be bơta ƀơ̆ ƀơl mơ tồi glài bol khai dê, mơ Añ neh pồn ndơp mat Añ bơh di bol khai.”

Sră Ôse 7:2

Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.