Jeremi 4:16 - Sră Goh 2018

¹⁶ Yal tơnggit tĕ ală lơgar in, “Gơs bol khai tềng do! Yal tĕ Jerusalem in lah: ‘Cau gơrwàng tus bơh tiah ngài, driau nggà tòmdră mơ ală ƀòn dờng Juda dê.

Jeremi 4:16 Mawu Ofanana

Esai 34:1

Ơ ală lơgar, tus rềp tĕ mơ ơm iat; ơ ală làng bol, ơn tĕ tồr iat; Plai ù mơ jơh ală phan tòm gơ, dunnia mơ jơh ală phan geh tơnggơs bơh gơ, iat tĕ!

Esai 39:3

Gen cau gơnoar hwơr Esai tus mơ bơtau Ejekia mơ lùp lah: “Ñchi jơnau ală cau hơ̆ đơs, mơ bol khai tus bơh lơi taih?” Ejekia ho lah: “Bol khai tus mơ añ bơh lơgar ngài, bol khai tus bơh lơgar Babilôn.”

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 16:6

“Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 31:10

Ơ ală làng bol, iat tĕ jơnau Yàng Jehôwa dê; Yal tơlik tĕ jơnau hơ̆ tòm ală lơgar ngài rò gah dàlềng Đơs tĕ: ‘Bơtau neh lơh nrah nring Israel rơp pơjum tơrgòm bol khai wơl, Mơ rơp ê gàr bol khai be dô nă cau ê belàt.’

Jeremi 39:1

Nam dơ̆ sin rài Jedekia, bơtau Juda, kơnhai jơt, Nebukatnessar, bơtau Babilôn, tus bal mơ jơh mpồl ling khai dê, gơrwàng ƀòn Jerusalem.

Jeremi 4:17

Bol khai gơrwàng Jerusalem be cau kơp gàr sre; Tài bơh gơ neh pơrlơ̆ dră mơ Añ.’” Yàng Jehôwa đơs behơ̆.

Jeremi 5:15

Yàng Jehôwa đơs: “Ơ hìu Israel, Añ rơp cèng dô làng bol bơh tiah ngài tus hơ mê, Hơ̆ la dô làng bol kong jai, Dô làng bol neh gơs bơh yau, Dô làng bol mơ jơnau đơs bol khai mê ò git, Bol khai đơs jơnau lơi bol mê kung ò wă wơng.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Jeremi 6:18

Gen tàng, ơ ală lơgar iat tĕ! Ơ ală mpồl jơnum, git tĕ ñchi bơta rơp gơlik tus mơ bol khai.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Jeremi 6:22

Yàng Jehôwa đơs be do: “Ne, dô làng bol tus bơh lơgar đah đang; Dô lơgar dờng bơtào tơngguh bơh tiah lồi plai ù dê.

Jeremi 6:23

Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ejekiel 21:22

Tòm tê ma khai dê rơp tă khà bơh Jerusalem, tềng hơ̆ khai rơp rơndap ală rơndeh tơm tơrlah dơrñang ƀòn, ai jơnau sồr sreh tơnchơt, ai jơnau driau dờng tòmlơh, rơndap ală rơndeh tơm tơrlah ală mpồng ƀòn, bơt ală dơrñang gơrwàng gùt dar ƀòn dờng.