Jeremi 4:14 - Sră Goh 2018

¹⁴ Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Jeremi 4:14 Mawu Ofanana

Đơs Crih 119:113

Añ gơjrañ kơuềng di cau gơs bàr đah nùs, Mơya añ kòñ gơboh di bơta boh lam Yàng dê.

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Crih 66:18

Dilah nùs añ neh kơlôi gơboh di tồi glài, Gen Yàng ò bài iat añ.

Jơnau Pơnđik 1:22

“Ơ ală cau ƀă liă, bol mê kòñ bơta ƀă liă bol mê dê jơl tus di tŭ lơi taih? Ală cau dơñŏ tơnhial kòñ bơta dơñŏ tơnhial bol mê dê, Mơ ală cau bơrngơl gơla gơjrañ kơuềng di bơta git jak jơl tus di tŭ lơi taih?

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 17:1

Tồi glài Juda dê neh geh cih mơ gai cih lòs, Mơ mơng lŭ kră kơldang; Geh pac hơđang mpàn nùs bol khai, mơ hơđang ngke ală cơnòng duh khoai bol khai dê.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 2:22

Bulah mê neh rào să mê mơ kơmbuh pìh, mơ ngui oă kơmbuh nàng um să he, Tồi glài mê kung gam cih kah sùm di đap Añ.” Yàng Jehôwa đơs behơ̆.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Sacari 8:17

Bañ rơndap bơta iơh tòmdră mơ cau gơp ƀòn bol mê dê; mơ bañ gơboh bơta srat să ma blac. Añ gơjrañ di jơh ală bơta hơ̆,” Yàng Jehôwa đơs behơ̆.

Mathiơ 12:33

“Dilah chi niam gen plai gơ kung niam, chi iơh gen plai gơ kung iơh, bơh sền plai gen git chi.

Luka 11:39

Mơya Yàng Jesu đơs mơ khai lah: “Do bol mê la ală cau Pharisi rào goh đah bơdìh mơngàn mơ prềng, mơya đah dơlam bol mê bềng lìu bơta sa kwà mơ iơh bơsak.

Jang 13:9

Simôn Pier đơs lah: “Ơ Yàng, ò di mìng jơng lơm ò, mơya tê mơ bồ tai sơl!”

Broă 8:22

Behơ̆ gơjrañ sang glài tĕ bơh bơta iơh bơsak mê dê, mơ hòi dan mơ Yàng, tồ bơta kơlôi nùs mê dê hơ̆ digơlan geh toh mê in.

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

I Kôrintô 3:20

Mơ Sră Goh ndai cih: “Yàng git bơta kơlôi ală cau jak chài dê la ò kwơ lơm.”

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.