Jeremi 4:13 - Sră Goh 2018

¹³ Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:13 Mawu Ofanana

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

Esai 13:5

Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Esai 66:15

Do, Yàng Jehôwa rơp tus bal mơ ồs, mơ ală rơndeh tòmlơh Kơnràñ dê kung be càl wac brồng; Kơnràñ rơp đùh bơta gơjrañ Kơnràñ dê dô bă rngòt rngơt, mơ bơta lơh glài Kơnràñ dê bơh lơmpiat ồs hơng.

Jeremi 10:19

Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 4:12

Dô nơm càl pràn ngan rlau. Tŭ do Añ la cau yal bơta cahrña tòmdră mơ bol khai.”

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 48:40

Yàng Jehôwa đơs be do: “Ne, cau sò tơm par kung be sềm klàng bung, Pò pơnđar tòmdră mơ Môap.

Jeremi 49:22

Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 6:23

Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Jeremi 9:19

Bơh dô jơnau ñìm rac geh kơno bơh Siôn lah: ‘Mbe bol he kong roh rui! Bol he jơh hir ƀàssìl ƀàsso! Tài bơh bol he pal sang lòi lơgar; tài bơh bol khai neh phà tơrlah ală tiah ơm bol he dê!’”

Ñìm Rac 4:19

Ală cau ting jat bol hi sơrbac rlau mơ klàng bung hơđang trồ jòng, Ting jat bol hi hơđang ală mơnơm, kơp mòc bol hi tòm ƀlàng ngềt ngơt.

Ejekiel 26:10

Ơseh khai gal ngan tian gơs thul bol gơ jơm gòm mê. Ală dơrñang ƀòn mê dê gơlơnggơr bơh ntas ơseh tòmlơh, ntas rơndeh pơdiang phan, mơ rơndeh lòs tòmlơh tòm tŭ khai mut tòm ală mpồng dờng mê dê kung be cau mut tòm dô nơm ƀòn dờng gơs ală dơrñang neh tơrlah.

Ejekiel 38:9

Mê mơ jơh ală mpồl ling mê dê, mơ mpồl oă làng bol bal mơ mê rơp guh mơ lòt hơđap kung be càl rbut; mê rơp kung be dô puk mhwal jơm gòm jơh lơgar.’”

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Nahum 1:3

Yàng Jehôwa òbat gơjrañ mơ gơs gơnap gơnoar dờng; Yàng Jehôwa ò lòi cau tìs glài ò kong lơh glài. Gùng lòt Kơnràñ dê la tòm càl rwac mơ càl rbut dờng, mơ ală puk mhwal la thul hơđơm jơng Kơnràñ dê.

Habakuk 1:8

Ală ơseh bol khai dê ntoat mhar rlau mơ klìu sơmañ, rhung rhang rlau mơ so rhau tòm trồ mang. Mpồl ling hào ơseh bol khai dê ràn tus, ală cau ling hào ơseh bol khai dê tus bơh di tiah ngài; bol khai par kung be klàng bung srà mhar nàng sa loan.

Sacari 6:1

Añ pò mat tơnggòr sền hơđang tai, ne, gơs poan nơm rơndeh lòs tòmlơh lik bơh digùl bàr nơm mơnơm la ală mơnơm mơ kòng!

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.