Jeremi 4:11 - Sră Goh 2018

¹¹ Tòm tŭ hơ̆, rơp gơs jơnau đơs mơ làng bol do mơ Jerusalem lah: “Càl duh tus bơh Añ rơp khồm ală dòr kơlờl tòm ƀlàng bràs tus hơ làng bol rƀah Añ jê, mơya ò di nàng tòmpơr kòi, hala puh goh kòi.

Jeremi 4:11 Mawu Ofanana

Đơs Crih 11:6

Kơnràñ rơp tơndùh ồs mơ siau kung be mìu hơđang cau iơh bơsak; Dô ròs càl duh trơàl rơp la pơnah bol khai in.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Esai 27:8

Bơh bơta bơtrơh tơlik mơ bơta kup cèng, Kơnràñ tòm pơndang tòmdră mơ bol khai, Kơnràñ ngui nhơm càl khồm pơrdô bol khai tòm ngai gơs càl đah mattơngai lik khồm.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Jeremi 13:24

Behơ̆ gen Añ rơp rsìh bol ai be nsiap Kong càl tòm ƀlàng bràs khồm pơrdô thit.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 23:19

Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 4:12

Dô nơm càl pràn ngan rlau. Tŭ do Añ la cau yal bơta cahrña tòmdră mơ bol khai.”

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:7

Gen tàng Yàng Jehôwa Gơnap Gơnoar đơs be do: “Añ rơp tiar mơ lòng bol khai; Ñchi Añ pal lơh tai gơwèt mơ tồi glài làng bol Añ jê taih?

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 3:48

Mat añ gơhòr dà mat be hiòng, tài bơh bơta tơnroh làng bol añ jê.

Ñìm Rac 4:10

Tê bơta nđàc sơngit ală cau ùr dê, gơm sin ală kòn tòm he dê, Lơh gơs phan sa bol khai in tòm bơta tơrlah tơrlơm làng bol añ jê.

Ñìm Rac 4:3

Bulah ală so rhau kung ai toh tơmpô kòn he; Mơya làng bol añ jê gơlik gơs jàñ bơsak kung be sềm làkđa ơm tòm ƀlàng ngềt ngơt.

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Ejekiel 17:10

Tòm Tŭ gơ geh tam pa wơl gen gơ rơp geh tơlir niam sơl? Tòm tŭ càl đah mattơngai lik àl gơ, gơ rơp ò ro jrùh jơh hir, ro jrùh di tiah mơ gơ neh hòn dờng sơl ơ?’”

Ejekiel 19:12

Mơya gơ neh kong dus bơh bơta gơjrañ, mơ kong sơrbì tòm ù. Càl đah mattơngai lik neh lơh gơ in ro rañ, ală plai gơ dê rung jơh; ală ntê pràn kơldang gơ dê neh ñòp ro; mơ ồs neh sa pơrguc gơ.

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.

Sră Ôse 13:3

Behơ̆ tàng bol khai rơp gơlik kung be dà mơryuh àng drim, kung be dà tŭ rìng àng drim mhar roh thit, kung be nsiap càl khồm pơrdô bơh làn pơrjòt kòi, kung be ñhŭ lik bơh mpồng dềt.

Sră Ôse 4:19

Dô nơm càl neh pùt bol khai tòm ală pơnđar gơ dê, mơ bol khai rơp kòl ƀàssìl tài bơh ală cơnòng duh khoai bol khai dê.

Habakuk 1:11

Lồc behơ̆ bol khai lòt gan mhar kung be càl; bol khai lơh tìs glài mơ gơlik gơs tồi glài, bơta pràn tòm bol khai dê la yàng bol khai dê.”

Habakuk 1:6

Bơh Añ rơp chồl cau Babilôn, la làng bol iơh bơsak mơ rhung rhang, bol khai lòt làm jơh plai ù, tòmpìt ai ală tiah ơm ò gơrê bal mơ bol khai.

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Luka 3:17

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”