Jeremi 4:10 - Sră Goh 2018

¹⁰ Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Jeremi 4:10 Mawu Ofanana

Lik Ejiptơ 5:22

Gen Môise rê wơl hơ Yàng Tom Trồ mơ đơs lah: “Ơ Yàng! Ñchi bơh tài Yàng đùh bơta bòl glar hơđang làng bol do taih? Hơ̆ la tơnggume mơ Yàng sồr añ lòt tus sơl ơ?

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Esai 30:10

Bol khai đơs mơ ală cau sền bơta gơtơnggŏ lah: “Bañ sền tai!” mơ đơs mơ ală cau gơnoar hwơr lah: “Bañ đơs hwơr bol hi in ală bơta di ngan! Yal tĕ bol hi in ală jơnau bơkah tồr, đơs hwơr tĕ bơh ală bơta ò gơs ngan.

Esai 37:35

Añ rơp dong gàr ƀòn dờng do mơ dong tă gơ, tài bơh Añ mơ tài bơh Dabit la cau duh broă Añ jê!”

Esai 63:17

Ơ Yàng Jehôwa, ñchi bơh tài Kơnràñ lòi bol hi lòt tìs nrah ngài bơh di gùng Kơnràñ dê, mơ lơh kơldang nùs bol hi dê tian gơs bol hi ò ki ngàm di Kơnràñ taih? Dan Yàng rê wơl, tài bơh ală cau duh broă Kơnràñ dê, tài bơh ală jơi bơtiàn la phan jơtài Kơnràñ dê.

Jeremi 1:6

Añ đơs lah: “Khoai Yàng Jehôwa! Do, añ ò git đơs ñchi lơi, bơh añ la kơnòm dềt.”

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Jeremi 6:14

Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 8:11

Bol khai pùt tềl sồt làng bol Añ jê dô bă ơlă ơlai, Đơs lah: “Lơngap lơngai, lơngap lơngai!” Mơya ò gơs bơta lơngap lơngai dô êt lơi.

Ñìm Rac 2:21

Ală cau kơnòm să mơ cau kra bic tòm ù hơđang ală gùng. Ală ùr ơruh mơ klau pơnu añ jê neh gơpừ bơh đào. Tòm ngai gơjrañ dờng Kơnràñ dê, Kơnràñ neh tơnchơt bol khai, sreh tơnchơt ò nđàc sơngit.

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Rôma 1:24

Gen tàng Yàng Tom Trồ neh phi bol khai gơtơmut jat nùs hàm kòñ is bol khai dê, tian gơs gơdùh tòm bơta ngkòr ngkàc nàng lơh ƀàssìl să jan bol khai dê mơ cau ndai,

Rôma 1:26

Tài bơh hơ̆ tàng Yàng Tom Trồ neh phi bol khai tòm bơta hàm kòñ lơh tir ƀàssìl ƀàsso; bơh ală cau ùr bol khai dê neh tòmgơl bơta òs mòng gơwèt mơ cau klau gơlik gơs tòmdră mơ bơta òs mòng hơ̆,

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.