Jeremi 39:4 - Sră Goh 2018

⁴ Jedekia, bơtau Juda, bal mơ jơh ală cau ling gŏ bol khai, gen dô lik bơh ƀòn tòm trồ mang, jat gùng lòt tòm suơn bơtau, bơh mpồng digùl bàr nơm dơrñang, lòt song tus hơ Araba.

Jeremi 39:4 Mawu Ofanana

II Yal Yau 32:5

Gen khai rơndap broă lơh dô bă kràñ cê nàng bơt wơl jơh ală pơnah dơrñang ƀòn dờng neh tơrlah mơ bơt ală theng kơp gàr hơđang gơ. Khai bơt dô nơm dơrñang tai đah bơdìh dơrñang neh gơs hơ̆, mơ lơh kơ̆ rlau tai ală theng kơp gàr Ƀòn Dờng Dabit dê. Khai kung lơh gơs oă ngan phan tòmlơh mơ ală khèl.

Esai 22:11

Bol mê bơt tơnau dà digùl bàr đah dơrñang ƀòn nàng prap lòi dà tơnau yau, mơya bol mê ò tơnggòr sền di Bơtau lơh gơs bơta hơ̆; hala ki ngàm di Bơtau neh lơh nền bơta hơ̆ bơh yau òr.

Esai 22:3

Ală cau kwang at bồ bol mê dê neh ntoat dô bal, bol khai kòl kup ò càng ngui àtak. Jơh ală bol mê la cau neh kòl kup, gen neh kong ơm jàm dô bă bal. Bulah bol khai neh dô ngài ngan.

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Jeremi 32:4

Jedekia, bơtau Juda, rơp ò pleh klàs bơh tê cau Kalde, mơya ngan rơp kong jào tòm tê bơtau Babilôn, rơp đơs mơ bơtau hơ̆ bơr mơ bơr, mat sền mat;

Jeremi 32:5

Bơtau hơ̆ rơp cèng Jedekia tus hơ Babilôn, khai rơp ơm tềng hơ̆ jơl tus di tŭ Añ lơh gơlik gơs ală bơta gơwèt hơ khai, dilah bol mê tòmlơh mơ cau Babilôn, bol mê rơp ò geh cồng nha.’ Yàng Jehôwa đơs behơ̆.”

Ejekiel 12:12

Cau bơtau digùl bol khai rơp ơn ală phan khai dê hơđang pơnì khai mơ lik lòt tòm tŭ trồ mho, mòr mang, mơ dô nơm trồm rơp phàt tòm dơrñang nàng khai lòt gan. Khai rơp jơm muh mat khai dê nàng khai in ò rgơi sền gŏ lơgar.

Ejekiel 12:4

Di digùl ngai, di đap bol khai, cèng tơlik tĕ ală kơldung phan mơna mơ mê neh dap nàng kong kup cèng lòt. Gen tòm trồ mho, tòm tŭ bol khai rmê sền, mê lik lòt tĕ kung be ală cau kong kup cèng pơrdô.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Lebi 26:36

Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.