Jeremi 39:18 - Sră Goh 2018

¹⁸ Bơh Añ ngan rơp dong klàs mê, mê rơp ò gơpừ hơđơm lơmpiat đào; mê rơp geh lik klàs bơh bơta chơt be phan dòp geh bơh bơta tòmlơh, bơh mê neh ơn nùs dòn kơnòm di Añ,’ Yàng Jehôwa đơs behơ̆.”

Jeremi 39:18 Mawu Ofanana

I Yal Yau 5:20

Mơ tòm tŭ bol khai geh dòp bơta dong kòl nàng tòmdră mơ ală cau sò tơm, bol khai hòi dan mơ Yàng Tom Trồ tòm bơta tòmlơh; gen Kơnràñ jào cau Hagrit bal mơ mpồl lòt bal mơ bol hơ̆ tòm tê bol khai dê, mơ Kơnràñ ai bol khai in bơta pha lin, tài bơh bol khai dòn kơnòm di Kơnràñ.

Sră Jop 5:20

Tòm bơta jơgloh rung, Kơnràñ rơp dong tơwài ồng bơh bơta chơt, Mơ tòm tŭ kơlìn Kơnràñ dong klàs ồng bơh gơnoar đào dê.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Đơs Crih 33:18

Ne, mat Yàng Jehôwa dê sền di cau duh rngòt di Kơnràñ, Mơ sền di cau gơn kơnòm di bơta kòñ gơboh Kơnràñ dê,

Đơs Crih 34:22

Yàng Jehôwa tơwài bơta kis ală cau duh broă Kơnràñ dê; Mơ cau lơi kìng crŭ să he tòm Kơnràñ gen ò gơkòl lơh nền glài.

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

Đơs Crih 84:12

Ơ Yàng Jehôwa Gơnap Gơnoar Dờng Làm Jơh dê, Lơngai cau lơi in dòn kơnòm di Kơnràñ!

Đơs Crih 91:7

Rơp gơs dô rbô nă cau gơpừ chơt di gah mê, Hala dô tơlak nă cau chơt di gah ma mê, Mơya bơta sơbơng roh hơ̆ rơp ò tus rềp di mê ò.

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Jeremi 21:9

Cau lơi kư̆ ơm wơl tòm ƀòn dờng do rơp chơt bơh pềs tà, jơgloh rung, mơ pluh plàng; mơya cau lơi lik, kong alah mơ cau Kalde, hơ̆ la cau ơm gơrwàng bol mê; gen rơp kis, mơ bol khai rơp geh bơta kis.’

Jeremi 38:2

“Yàng Jehôwa đơs be do: ‘Cau lơi ơm wơl tòm ƀòn gen kong chơt bơh pềs tà, jơgloh rung, hala pluh plàng; mơya cau lơi lik jào să cau Kalde in gen rơp geh kis, khai rơp geh klàs bơh bơta chơt be phan pà, khai rơp kis.’

Rôma 2:12

Ală cau làng bol bơdìh ò gơs bơta boh lam Môise dê mơ tìs glài, gen kung rơp roh rui tòm bơta ò gơs bơta boh lam; ai ală cau Juda gơs bơta boh lam mơ tìs glài gen rơp kòl bơta boh lam cahrña;

Ephesô 1:12

Nùs kòñ hơ̆ la bol he, la cau sơnròp ngan neh kơnòm di Bơtau Krist, pal kis dô bă di pal nàng jòng ro bơta gơklŏ Kơnràñ dê.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.