Jeremi 39:16 - Sră Goh 2018

¹⁶ “Lòt tĕ yal Ebetmelet, cau Ethiôpi, lah: ‘Yàng Jehôwa Gơnap Gơnoar, Yàng Tom Trồ Israel dê, đơs be do: Tus di ngai hơ̆ Añ rơp lơh gơlik gơs di đap mê ală jơnau mơ Añ neh đơs tòmdră mơ ƀòn do, lòi gơ in àñ bơta rung rài mơ ò geh lơngai ò.’

Jeremi 39:16 Mawu Ofanana

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Đơs Crih 92:11

Mat añ neh gŏ bơta gơpừ cau sò tơm di añ, Tồr añ neh kơno bơh bơta tơnroh cau sòdră di añ.

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 26:20

Mơ kung gơs dô nă cau ndai tai neh ai sơnđan Yàng Jehôwa mơ đơs hwơr: hơ̆ la Uria, kòn klau Semayah, ơm tòm Kiriat Jearim. Khai kung đơs hwơr tòmdră mơ ƀòn mơ lơgar do tòm toh be ală jơnau Jeremi dê.

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 36:31

Añ rơp lơh glài khai, lơh glài kòn sau mơ ală cau duh broă khai dê, tài bơh bơta iơh bơsak bol khai dê. Añ rơp dùh hơđang bol khai hơđang Jerusalem mơ cau Juda, kòp bơta rung rài Añ neh yal tơnggit bol khai in mơ bol khai ò bài iat.’”

Jeremi 40:3

mơ Yàng Jehôwa neh lơh tòm toh kung be Kơnràñ neh đơs, bơh bol mê tìs glài tòmdră mơ Yàng Jehôwa mơ ò lơh jat jơnau đơs Kơnràñ dê; gen tàng bơta do gơlik tus bol mê in.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 5:14

Gen tàng, Jehôwa Yàng Tom Trồ Gơnap Gơnoar đơs be do: “Tài bơh bol khai neh đơs jơnau do, Tŭ do, Añ rơp lơh jơnau Añ jê kung be ồs tòm bơr mê, Làng bol do rơp kung be lòng, mơ ồs hơ̆ rơp sa pơrguc bol khai.”

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Amôs 9:4

Bulah bol khai gơkòl cau sò tơm kup cèng krơ̆ jàm, tềng hơ̆ Añ rơp sồr đào, mơ gơ rơp tơnchơt bol khai. Añ rơp ơn mat Añ sền hơđang bol khai nàng lơh tơnroh, ò di la bơta niam.”

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”