Jeremi 39:10 - Sră Goh 2018

¹⁰ Ai ală cau rƀah lơòi, ò gơs sre brê dô êt lơi, gen Nebujaradan, cau lam bồ mpồl ling kơp gàr bơtau dê, lòi bol khai in ơm wơl tòm lơgar Juda; Kung tòm tŭ hơ̆, khai ai bol hơ̆ in ală suơn ño mơ sre.

Jeremi 39:10 Mawu Ofanana

II Ală Bơtau 25:12

Kwang sền gàr bơtau mìng lòi wơl ală cau rƀah lơòi rlau jơh, nàng tam ño mơ lơh sre.

Esai 7:21

Tòm ngai hơ̆, dô nă cau klau rơp ròng dô nơm kơnrồ dra mơ bàr nơm belàt.

Jeremi 40:10

Đah mơ añ do, añ rơp ơm tòm Mispa, nàng ala mat bol mê tìp mơ ală cau Kalde rơp tus tềng do. Mơya ală bol mê tơrgòm tĕ tơrnòm ño, plai đo kơnhai prang mơ mơñà; ơn tĕ tòm gri bol mê dê, mơ ơm tòm ală ƀòn he neh tòmpìt geh.”

Jeremi 40:7

Tòm tŭ ală cau at bồ ling gam ơm wơl tòm ală ƀòn dềt bal mơ ală cau ling bol khai dê kơno lah bơtau Babilôn neh bơtào Gedalia, kòn klau Ahikam, lơh gơs kwang đơng lơgar, mơ kơno bơtau neh jào khai in ală cau klau, cau ùr, kòn dềt, la ală cau rƀah lơòi tòm lơgar, òhềt cèng hơ Babilôn gơs dĭ.

Jeremi 43:6

ală cau klau, ală cau ùr, ală kòn dềt, bal mơ ală kòn ùr cau bơtau, mơ ală cau mơ Nebujaradan, kwang lam bồ mpồl ling kơp gàr bơtau, neh lòt bal mơ Gedalia kòn klau Ahikam sau Saphan dê, mơ kung cèng bal cau gơnoar hwơr Jeremi mơ Baruk kòn klau Neriya,

Jeremi 52:16

Mơya Nebujaradan, kwang at bồ ling gàr bơtau, neh lòi wơl ală cau rƀah ngan ơm wơl tòm lơgar, nàng tam ño mơ lơh sre.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Sacari 11:7

Behơ̆ Añ ala mat ală belàt neh kă bro, Añ neh gơlik gơs cau ê ală belàt tòm mpồl cèng lơh poac: Gen Añ ai bàr nơm gai jra, dô nơm Añ sơnđan Bơta Nđàc mơ dô nơm la Bơta Gơs Dô Bă Bal, mơ Añ ê mpồl belàt.