Jeremi 38:4 - Sră Goh 2018

⁴ Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Jeremi 38:4 Mawu Ofanana

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

II Yal Yau 24:21

Mơya bol khai bơyai òm tòmdră mơ khai, mơ jat jơnau gơnoar sồr bơtau dê, bol khai cơm lŭ tơnchơt khai tòm ƀlàng hìu duh khoai Yàng Jehôwa dê.

Ejra 4:12

Bơtau pal git lah tŭ do ală cau Juda neh bơh di bơtau mơ lòt tus hơ bol hi neh tus hơ Jerusalem, mơ bol khai bơt bơtào wơl ƀòn dờng jak tòmdră mơ iơh bơsak hơ̆. Bol khai bơt wơl dơrñang mơ rcang niam wơl ală mơnàng.

Nehemi 6:9

Tài bơh bol khai kòñ tơrngòt bol hi mơ kơlôi lah: “Bol khai rơp ò lơh broă tai mơ broă hơ̆ rơp ò lơh sir.” Mơya tŭ do, Ơ Yàng Tom Trồ, dan lơh tê añ jê pràn kơldang!

Lik Ejiptơ 5:4

Mơya bơtau lơgar Ejiptơ đơs lah: “Ơ Môise mơ Arôn, ñchi bơh tài bol mê tă tơlik làng bol bơh di broă lơh bol khai dê taih? Rê wơl tĕ lơh broă bol mê dê!”

Jeremi 11:21

Gen tàng do la jơnau Yàng Jehôwa đơs bơh cau Anatôt, la cau kòñ tă bơta kis mê, mơ lah: “Dilah mê ò kòñ chơt bơh tê añ, gen bañ ai sơnđan Yàng Jehôwa mơ đơs hwơr!”

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 26:11

Gen ală cau gơnoar ơn phan duh khoai mơ ală cau gơnoar hwơr đơs mơ ală cau kwang at bồ mơ làng bol lah: “Cau do pal chơt; bơh neh đơs hwơr tòmdră mơ ƀòn do, kung be tồr bol mê dê neh kơno.”

Jeremi 29:7

Jòi tĕ bơta lơngap lơngai ƀòn dờng mơ Añ neh lòi bol mê in kong bơtrơh, pal tài bơh bol khai hòi dan mơ Yàng Jehôwa; tài bơh bơta lơngap lơngai bol mê, kơnòm di bơta lơngap lơngai gơ dê.’”

Jeremi 38:16

Bơtau Jedekia srat să dô bă ndơp ndơr bal mơ Jeremi lah: “Ngan be Yàng Jehôwa kis sùm, la Bơtau neh lơh gơs hwềng soàn do bol he in, añ rơp ò tơnchơt mê, mơ ò jào mê tòm tê ală cau jòi bơta kis mê.”

Jeremi 38:25

Dilah ală kwang at bồ kơno añ neh đơs mơ mê, tus mơ mê mơ đơs lah: ‘Yal wơl tĕ añ in ală bơta mê đơs mơ bơtau mơ bơtau đơs mơ mê; bañ pồn bol hi, gen bol hi rơp ò tơnchơt mê,’

Jeremi 43:3

Mơya hơ̆ la Baruk kòn klau Neriya, chồl mê tòmdră mơ bol hi, jào bol hi tòm tê cau Kalde nàng tơnchơt hala kup cèng gơs dĭ tòm lơgar Babilôn.”

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Amôs 7:10

Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Broă 16:20

Bol khai cèng bol hơ̆ tus di đap ală cau kwang dờng Rôma mơ đơs lah: “Ală cau do la cau Juda, lơh nggồr nggàc tòm ƀòn dờng bol he dê,

Broă 17:6

Jòi ò bàn, bol khai hwài Jasôn bal mơ dô êt nă cau dòn tus di đap ală cau kwang at bồ tòm ƀòn dờng mơ yă lah: “Ală cau do neh lơh sơlồng sơlàng tòm ƀòn lơgar, tŭ do bol khai kung neh tus tềng do,

Broă 24:5

Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Broă 28:22

Bulah behơ̆ bol hi kòñ git mbe bi kơlôi, bơh pơnah đah gùng duh khoai do bol hi git lah cau đơs tòmsò tòm làm bă tiah.”