Jeremi 38:21 - Sră Goh 2018

²¹ Mơya dilah bơtau ò bài kong alah, gen do la jơnau Yàng Jehôwa neh yal tơlik añ in:

Jeremi 38:21 Mawu Ofanana

II Yal Yau 36:12

Khai lơh bơta iơh bơsak di đap mat Jehôwa Yàng Tom Trồ khai dê mơ ò tơnliah să di đap Jeremi cau gơnoar hwơr la cau neh đơs jơnau Yàng Jehôwa dê.

Sră Jop 23:13

Mơya Kơnràñ ntào is, gen ñcau rgơi kơryan Kơnràñ taih? Kơnràñ lơh bơta lơi nùs Kơnràñ kòñ.

Sră Jop 34:33

Gen Kơnràñ rơp tơm wơl jat be jơnau ồng đơs, tài bơh ồng neh sang lòi gơ ơ? Bơh ồng pal sac rwah, ò di añ; gen tàng yal tơlik tĕ bơta lơi ồng git.

Lik Ejiptơ 16:28

Gen Yàng Jehôwa đơs mơ Môise lah: “Bol mê ò bài prap gàr ală bơta sồr lam mơ ală bơta bơto sồr Añ jê jơl tus di tŭ lơi taih?

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Jeremi 38:22

‘Jơh ală cau ùr gam wơl tòm gơlang bơtau Juda rơp kong cèng tus mơ ală kwang at bồ bơtau Babilôn dê; ală cau ùr hơ̆ rơp đơs mơ bơtau lah: Ală cau bơyô đềt mềr bơtau dê Neh pơrlồm pơndòm mơ geh pha; Do, jơng bơtau neh kram tòm bŏ, Gen bol khai sang lòi bơtau.’

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Ejekiel 2:7

Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Khà Làng Bol 24:13

‘Bulah Balak ai añ in hìu gơlang khai dê bềng lìu priă mơ màh, añ ò rgơi lơh bơta lơi niam hala iơh jat nùs tòm añ jê rlau mơ jơnau sồr Yàng Jehôwa dê, mơ añ pal đơs mìng jơnau lơi Yàng Jehôwa đơs ò ơ’?

Broă 18:6

Mơya ală bol hơ̆ tòmdră đơs tràl sơrbil, gen tàng Pol rtuh ào khai mơ đơs lah: “Mhàm bol mê tuh wơl hơđang bồ bol mê! Ai đah mơ añ gen ò kòl glài; bơh tŭ do añ rơp lòt tus hơ làng bol bơdìh.”

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.