Jeremi 38:20 - Sră Goh 2018

²⁰ Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Jeremi 38:20 Mawu Ofanana

Sơnròp Gơlik Gơs 12:13

Añ dan ai yal mơ bol khai ai la oh ùr añ, tồ bơh ai añ rơp geh wă rò niam mơ bơta kis añ jê geh ring lơngai.”

Sơnròp Gơlik Gơs 19:20

Ne, ƀòn hơ̆ la dềt, mơ kung rềp nàng añ dô tus. Ơ Yàng, lòi añ in dô tus tềng hơ̆ nàng dong klàs bơta kis añ. Ƀòn hơ̆ ò di la dềt sơl ơ?”

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

Jơnau Pơnđik 4:4

Bèp añ neh bơto añ, mơ đơs mơ añ lah: “Lòi tĕ nùs kòn prap kah ală jơnau añ đơs; Prap gàr ală bơta sồr lam añ jê, gen kòn rơp kis.

Jơnau Pơnđik 7:2

Lơh jat tĕ ală gơnoar sồr añ, gen kòn rơp geh kis; Mơ prap gàr jơnau bơto tơngkah añ be gar mat kòn dê.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 38:21

Mơya dilah bơtau ò bài kong alah, gen do la jơnau Yàng Jehôwa neh yal tơlik añ in:

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Amôs 5:4

Yàng Jehôwa đơs mơ hìu Israel be do: “Jòi jat tĕ Añ mơ geh kis;

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Broă 26:29

Pol ho lah: “Ò git dô êt hala oă, añ hòi dan mơ Yàng Tom Trồ ò di mìng dô nă bơtau lơm ò, mơya jơh tơl nă cau iat jơnau añ tòm ngai do, gen gơlik gơs be añ, mìng ò gơs che sreng do lơm.”

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Jakơ 1:22

Lơh jat tĕ jơnau Yàng, bañ mìng iat lơm mơ pơrlồm să he.