Jeremi 38:18 - Sră Goh 2018

¹⁸ Mơya dilah mê ò kong alah mơ ală kwang at bồ bơtau Babilôn dê, gen ƀòn do rơp phi tòm tê cau Kalde, bol khai rơp ngui ồs chu pơrguc gơ, mơ mê rơp ò klàs bơh tê bol khai.”

Jeremi 38:18 Mawu Ofanana

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

Jeremi 21:10

Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 37:8

Ală cau Kalde rơp rê wơl, tòmlơh mơ ƀòn do, tòmpìt ai mơ ngui ồs chu pơrguc gơ.’”

Jeremi 38:23

Jơh ală bau ùr, bau cồng, kòn klau kòn ùr bơtau dê rơp kong cèng tus hơ cau Kalde; ai să tòm bơtau, rơp ò klàs bơh tê bol khai, mơya rơp kong tê bơtau Babilôn kup, mơ ƀòn do rơp kong chu mơ ồs.”

Jeremi 38:3

Yàng Jehôwa đơs be do: ‘Ƀòn do ngan rơp jào tòm tê mpồl ling bơtau Babilôn dê, khai rơp tòmpìt ai.’”

Jeremi 39:3

Tòm tŭ Jerusalem kòl tòmpìt ai, jơh ală kwang at bồ bơtau Babilôn dê mut tòm ƀòn mơ nggui di mpồng Digùl. Hơ̆ la Netgan Saretse, Samga Nebô, Sasekim, lam bồ kwang kơndời, Netgan Saretse, lam bồ ală cau jak chài, bal mơ ală kwang ndai bơtau Babilôn dê.

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Ejekiel 12:13

Añ rơp dang bơtơng Añ jê nàng kup khai, mơ khai rơp yar dă Añ jê. Añ rơp cèng khai tus hơ Babilôn, la lơgar cau Kalde, mơya khai rơp ò gŏ lơgar hơ̆, mơ khai rơp chơt tềng hơ̆.

Ejekiel 17:15

Mơya bơtau hơ̆ neh bơtào tòmdră mơ cau Babilôn, sồr dô mpồl cau kong sồr lòt tus hơ lơgar Ejiptơ nàng dòp geh ală ơseh mơ dô mpồl oă cau ling. Khai rơp geh bơtoah bơtoài sơl? Dô nă cau lơh ală bơta behơ̆ rơp geh lik klàs sơl? Khai gơltac bơta ho bal mơ gam rgơi lik klàs sơl?’