Jeremi 38:17 - Sră Goh 2018

¹⁷ Gen Jeremi yal mơ Jedekia lah: Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: “Dilah mê kong alah mơ ală kwang at bồ bơtau Babilôn dê, gen mê rơp geh kis, mơ ƀòn do rơp ò kong chu mơ ồs; mê rơp kis bal mơ jơh hìu nhă he dê.

Jeremi 38:17 Mawu Ofanana

Sơnròp Gơlik Gơs 12:13

Añ dan ai yal mơ bol khai ai la oh ùr añ, tồ bơh ai añ rơp geh wă rò niam mơ bơta kis añ jê geh ring lơngai.”

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

II Ală Bơtau 25:27

Tòm nam dơ̆ pe jơt poh Jehôyakin bơtau Juda kòl kup cèng, ngai bàr jơt poh kơnhai jơt bàr, Ebilmerodak bơtau Babilôn, tòm nam hơ̆ khai sơntòm at bồ, khai hồ toh Jehôyakin bơtau Juda lik bơh hìu jàm.

I Yal Yau 17:24

tồ gơ geh bơtào kơ̆ mơ nàng sơnđan Kơnràñ dê rơp gơlik gơs dờng gam sùm sùm. Gen cau rgơi đơs lah: ‘Yàng Tom Trồ Gơnap Gơnoar Rlau Jơh la Yàng Tom Trồ hơđang Israel la Yàng Tom Trồ Israel dê!’ Mơ hìu cau duh broă Kơnràñ dê la Dabit rơp geh bơtào kơ̆ di đap Kơnràñ.

Ejra 9:4

Gen jơh ală cau rơm să rngòt di ală jơnau Yàng Tom Trồ Israel dê, tài bơh bơta ò dòn song ală cau rê bơh di tiah kong kup cèng, pơjum gùt dar añ tòm tŭ añ ơm nggui rngòt rngơt jơl tus di tŭ ơn phan duh khoai mho.

Sră Jop 23:13

Mơya Kơnràñ ntào is, gen ñcau rgơi kơryan Kơnràñ taih? Kơnràñ lơh bơta lơi nùs Kơnràñ kòñ.

Đơs Crih 80:14

Ơ Yàng Tom Trồ Gơnap Gơnoar Dờng Làm Jơh dê; dan Yàng bơh đang trồ tơmềt mơ sền, dan wèt sền tòm chi ño do,

Đơs Crih 80:7

Ơ Yàng Tom Trồ Gơnap Gơnoar Làm Jơh dê, dan bơtào tơngguh bol hi wơl, Lòi àng gơcrà muh mat Yàng dê, nàng bol hi in geh dong klàs.

Jeremi 27:12

Añ kung neh đơs mơ Jedekia, bơtau Juda dê behơ̆ sơl lah: “Ơn tĕ ngko bol mê hơđơm yô bơtau Babilôn dê, duh broă tĕ khai mơ làng bol khai, gen bol mê geh kis.

Jeremi 27:17

Bañ iat bol khai. Duh broă tĕ bơtau Babilôn, gen geh kis. Ñchi bơh tài lòi ƀòn do gơlik gơs tiah sang lòi ngềt ngơt?

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 38:2

“Yàng Jehôwa đơs be do: ‘Cau lơi ơm wơl tòm ƀòn gen kong chơt bơh pềs tà, jơgloh rung, hala pluh plàng; mơya cau lơi lik jào să cau Kalde in gen rơp geh kis, khai rơp geh klàs bơh bơta chơt be phan pà, khai rơp kis.’

Jeremi 39:3

Tòm tŭ Jerusalem kòl tòmpìt ai, jơh ală kwang at bồ bơtau Babilôn dê mut tòm ƀòn mơ nggui di mpồng Digùl. Hơ̆ la Netgan Saretse, Samga Nebô, Sasekim, lam bồ kwang kơndời, Netgan Saretse, lam bồ ală cau jak chài, bal mơ ală kwang ndai bơtau Babilôn dê.

Jeremi 40:9

Gedalia, kòn klau Ahikam, sau Saphan, ngui jơnau srat să ho nền mơ ală cau hơ̆ bal mơ ală cau mơ bol khai lah: “Bañ rngòt duh broă cau Kalde; ơm tĕ tòm lơgar mơ duh broă bơtau Babilôn, gen rơp gơs niam bol mê in.

Jeremi 44:7

Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Ejekiel 8:4

Mơ tềng hơ̆, gơs bơta gơklŏ Yàng Tom Trồ Israel dê, kung be añ neh sền gŏ tòm bơta gơtơnggŏ tòm thòng.

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.