Jeremi 37:18 - Sră Goh 2018

¹⁸ Tơnơ̆ mơ hơ̆, Jeremi đơs mơ bơtau Jedekia lah: “Añ neh tìs glài lơi tòmdră mơ bơtau, ală cau duh broă bơtau, mơ làng bol do, mơ jàm añ tòm hìu jàm taih?

Jeremi 37:18 Mawu Ofanana

Sơnròp Gơlik Gơs 31:36

Gen Jakôp gơhào nùs mơ lah pơrhơng Laban mơ đơs lah: “Añ gơs ñchi bơta glài taih? Tồi glài añ la ñchi mơ kồñ kòñ ting jat behơ̆ taih?

Jơnau Pơnđik 17:13

Cau lơi ai bơta iơh tơm wơl bơta niam. Bơta rung rài ò ơm ngài mơ hìu cau hơ̆

Jơnau Pơnđik 17:26

Ai lơh ò niam mơ lơh glài cau song ring, Hala pù lơh cau gơs gơnoar tài bơh nùs song ngan khai dê.

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Daniel 6:22

Yàng Tom Trồ añ jê neh sồr cau gơnrơh Kơnràñ dê lềt bơr ală klìu triă, gen tàng bol gơ ò lơh iơh di añ dô êt lơi, tài bơh Kơnràñ neh gŏ añ ò gơs glài lơi di đap Kơnràñ. Ơ bơtau, gơwèt mơ bơtau kung behơ̆ sơl, añ ò lơh dô bơta tìs lơi ò.”

Jang 10:32

Yàng Jesu đơs mơ bol khai lah: “Añ neh ràng tơlik bol mê in oă broă niam bơh di Bèp; behơ̆, bơh broă lơi ală bol mê cơm lŭ di Añ taih?”

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Broă 25:11

Dilah ngan añ lơh tìs hala gơs glài lơi pal chơt, gen añ ò dan klàs chơt; mơya dilah bol khai ò gơs cơng tàng lơi nàng kơt glài añ, gen ò gơs cau lơi rgơi bơtào añ bol khai in ò. Añ dan tò să di đap Sesa.”

Broă 25:25

Mơya añ neh sơwì nền mơ gŏ khai ò gơs glài lơi pal chơt ò, mơ bơh să tòm khai neh dan cèng tus hơ Sesa, gen tàng añ neh lơh nền nàng bơtào khai Sesa in.

Broă 25:8

Pol đơs nàng tò să khai lah: “Añ ò lơh bơta lơi tòmdră mơ bơta boh lam cau Juda dê hala tòmdră mơ hìu duh khoai hala tòmdră mơ Sesa ò.”

Broă 26:31

Tòm tŭ lik rê gen bol khai đơs bal lah: “Cau do ò lơh bơta lơi pal chơt hala pal jàm ò.”

Galati 4:16

Añ ai jơnau song đơs mơ oh mi, gen añ gơlik gơs cau sò tơm di oh mi sơl ơ?