Jeremi 37:17 - Sră Goh 2018

¹⁷ Gen, bơtau Jedekia sồr hòi Jeremi, mơ dòp rò khai. Cau bơtau lùp òm khai tòm gơlang bơtau, lah: “Yàng Jehôwa neh đơs jơnau lơi sơl?” Jeremi ho lah: “Gơs!” mơ pơnjat tai lah: “Bơtau rơp kong jào tòm tê bơtau Babilôn.”

Jeremi 37:17 Mawu Ofanana

I Ală Bơtau 22:15

Tòm tŭ khai neh tus hơ bơtau, gen bơtau lùp lah: “Ơ Mice, bol he pal lòt tòmlơh mơ Ramôt tòm Galaat hala ò pal taih?” Mice ho: “Lòt tĕ, bơtau rơp geh pha; Yàng Jehôwa rơp jào gơtòm tê bơtau.”

I Ală Bơtau 22:16

Mơya bơtau đơs mơ khai lah: “Nđò dơ̆ rau añ pal sồr mê srat să ò yal añ in bơta lơi rlau mơ jơnau song tòm sơnđan Yàng Jehôwa ò ơ?”

II Ală Bơtau 25:7

Bol khai tơnchơt ală kòn klau Jedekia di đap mat khai; bol khai kơlwĕ mat Jedekia, kơt khai mơ sreng kòng, mơ cèng khai tus hơ Babilôn.

Jeremi 15:11

Yàng Jehôwa đơs: “Ngan Añ rơp dong tă mê, Tài bơh tơnggume broă niam. Ngan Añ rơp lơh cau sò tơm rac dan mơ mê Tòm tŭ rung rài chơt roh.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 24:8

‘Ai Jedekia, bơtau Juda, ală kwang at bồ bal mơ làng bol gam ơm wơl tòm ƀòn dờng Jerusalem, la làng bol gam ơm tòm lơgar do, mơ ală cau ơm tòm lơgar Ejiptơ, gen gơwèt mơ ală plai chi ƀal ò niam cau ò rgơi sa mbe lơi, Añ kung rơp lơh bol khai in ndròm bal behơ̆.

Jeremi 25:35

Cau ê ò gơs tiah dô pleh, cau tòm mpồl belàt ò gơs tiah nàng dô pleh.

Jeremi 37:3

Bơtau Jedekia sồr Jehukan, kòn klau Selemia, mơ Sôphôni, kòn klau cau gơnoar ơn phan duh khoai Maaseya, lòt tus hơ cau gơnoar hwơr Jeremi mơ đơs lah: “Dan bơh bol hi hòi dan mơ Jehôwa Yàng Tom Trồ bol he dê.”

Jeremi 38:5

Bơtau Jedekia ho lah: “Do, khai ơm tềng do, khai ơm tòm tê bol mê, bơh bơtau ò geh tòmdră mơ bol mê.”

Jeremi 52:8

Mơya mpồl ling cau Kalde ting jat bơtau; bàn Jedekia tòm ƀlàng Jerikô, gen mpồl ling bơtau ntoat dô mơ lòi bơtau ơm is.

Ejekiel 7:26

Rung rài do gơbơtơl hơđang rung rài ndai, jơnau pơnro do gơpơnjat jơnau pơnro ne. Bol khai rơp pơnđơl jòi bơta gơtơnggŏ bơh di cau gơnoar hwơr; jơnau bơto tơngkah bơh cau gơnoar ơn phan duh khoai rơp roh rui, jơnau bơto sơnio bơh di ală cau kwang kra kung rơp ò gơs.

Khà Làng Bol 23:17

Behơ̆ Balaam rê wơl hơ Balak mơ gŏ khai ntào di gah phan ơn duh khoai khai dê bal mơ ală cau kwang dờng Môap dê. Balak lùp Balaam lah: “Ñchi jơnau Yàng Jehôwa neh đơs taih?”

Jơnau Niam Jat Mak 6:20

bơh Herôt rngòt di Jang, mơ git khai la dô nă cau song ring mơ sàng goh, gen bơtau sền gàr khai. Herôt kòñ iat Jang đơs, mơya dơ̆ kơno jơnau khai dê rau, gen bơtau ò suk ơm ngan.