Jeremi 36:7 - Sră Goh 2018

⁷ Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 36:7 Mawu Ofanana

II Ală Bơtau 22:13

“Lòt tĕ hòi dan mơ Yàng Jehôwa añ in, làng bol in, mơ jơh Juda in, bơh ală jơnau tòm sră pa geh jòi bàn. Bơh bơta gơjrañ Yàng Jehôwa dê gơhào tòmdră mơ bol he ngan la dờng, tài bơh ồng pàng bol he ò bài dòn bơr ală jơnau tòm sră do, mơ ò lơh jat ală bơta neh cih bol he in.”

II Ală Bơtau 22:17

Tài bơh làng bol Juda neh sang lòi Añ, chu kơlhô ală yàng ndai in, bơrcek Añ gơjrañ bơh ală broă tê bol khai dê, gen tàng bơta gơjrañ Añ rơp gơhào khuh mơ tiah do, ò tŭ lơi rài.

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

Jeremi 1:3

kung neh đơs mơ khai tòm rài Jehôyakim, kòn klau Jôsia, bơtau Juda dê, jơl tus lồi sơnam dơ̆ jơt dùl rài bơtau Jedekia, kòn klau Jôsia, bơtau Juda dê, hơ̆ la sơnam cau tòm Jerusalem kong kup gơs dĭ tòm kơnhai dơ̆ pram.

Jeremi 16:10

Tŭ mê cèng jơnau do yal wơl làng bol in, bol khai ngan rơp lùp mê lah: ‘Ñchi bơh tài Yàng Jehôwa yal tơlik ală bơta rung rài do bol hi in taih? Bol hi gơs glài lơi? Tồi glài tòmdră lơi mơ bol hi neh tìs mơ Jehôwa Yàng Tom Trồ bol hi taih?’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 21:5

Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 36:3

Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Jeremi 37:20

Tŭ do, ơ bơtau, ơ cau tòm añ, dan iat tĕ, kơp kòñ jơnau rac dan añ jê geh bơtau dòp! Dan bañ jào añ tòm hìu cau gơnoar cih Jônathan, rngòt añ rơp chơt tềng hơ̆.”

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 12:3

Behơ̆ gen, ơ kòn mơnus, mê rcang tĕ phan mơna ơn tòm kơldung nàng kong kup cèng mơ digùl ngai di đap bol khai, mê lik tĕ mơ lòt bơh di tiah mê ơm tus hơ dô bă tiah ndai di đap mat bol khai. Digơlan bol khai rơp git wă bulah bol khai la dô nơm làng bol jak tòmdră.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Ejekiel 20:33

Jehôwa Yàng Tom Trồ đơs lah: ‘Di ngan kung be Añ kis, Añ rơp at bồ bol mê bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik.

Ejekiel 22:20

Kung be cau tơrgòm wơl priă, kòng, lòs, trà, mơ sơlo tòm bơnhă ồs mơ puh ồs hơng nàng ryă tơnlề gơ mbe lơi, gen kung behơ̆, Añ rơp tơrgòm bol mê tòm bơta gơjrañ mơ bơta gơjrañ dờng Añ jê, mơ ơn bol mê tòm dơlam nàng ryă tơnlề bol mê.

Ejekiel 5:13

Gen bơta gơhào gơjrañ Añ jê rơp tơl mơ bơta gơjrañ dờng Añ jê hơđang bol khai rơp rài mơ lơh hừh nùs Añ. Tòm tŭ Añ neh tuh bơta gơjrañ dờng Añ jê hơđang bol khai rau gen bol khai rơp git lah hơ̆ să tòm Añ Yàng Jehôwa, neh đơs tòm bơta ƀoah pơrñat Añ jê.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

Daniel 9:18

Ơ Yàng Tom Trồ añ jê, dan wèt tồr mơ iat, dan pò mat mơ sền bơta tơnroh gơprah ƀòn dờng neh geh tơmoh mơ sơnđan Kơnràñ dê! Bol hi rac dan mơ Kơnràñ ò di tài bơh bol hi la song ring, mơya la kơnòm di bơta nđàc sơngit dờng ơnàng Kơnràñ dê.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’